Бекітемін

«Қостанай облысы әкімдігі

Мәдениет басқармасы» ММ басшысы

 __________ Е. Қалмақов

«___» __________ 2018 ж.

V «Сөз құдіреті» облыстық мәнерлеп оқу байқауының ережесі

1. Жалпы ережелер

1.1. V облыстық «Сөз құдіреті» мәнерлеп оқу байқауы (одан әрі —Байқау) Қостанай облысы аумағында 05.02.2018 жылдан 20.04.2018 жылға дейінгі аралықта 12-13 жасар балалар арасында өтеді.

1.2. Байқау – қазақстандық жазушылардың прозалық шығармаларынан үзінді мәнерлеп жатқа оқуға арналған іс-шара. Байқауға қатысушылар өздерінің таңдаулары бойынша әдебиет бойынша мектеп бағдарламасына енбейтін қазақ немесе орыс тілдеріндегі прозалық шығармадан үзінді мәнерлеп оқиды.

1.3. Байқау «Рухани жаңғыру» бағдарламасы аясында өтеді, әрі Астананың 20 жылдығын мерекелеумен және Дүниежүзілік кітап және авторлық құқық күнімен ұштастырылады. Байқауға таңдалатын туынды қазақстандық жазушылардың (соңғы 27 жылда алғаш жарияланған) қазіргі көркем әдебиетімен (жасөспірімдер үшін жазылған туындылар немесе балалар, жасөспірімдер әдебиеті шеңберіне енген шығармалар) шектеледі.

1.4. Байқау мақсаты мен міндеттері:

- жас ұрпақты отаншылдыққа тәрбиелеу;

-жасөспірімдердің қазақстандық әдебиетке деген қызығушылықтарын арттыру;

- балалар арасында кітап оқуды дәріптеу, оқырмандық ой-өрісін кеңейту, кітап оқитын балалардың мәртебесін арттыру;

- әртістік дарыны бар балаларды анықтау және қолдау көрсету, өз дарынын көрсетуге мүмкіндік беру;

- қазіргі қазақстандық авторлардың шығармашылықтарын дәріптеу.

2. Байқауды ұйымдастыру және өткізу мерзімі

2.1. Байқауды ұйымдастырушылар - Қостанай облысы әкімдігінің Мәдениет басқармасының Ы.Алтынсарин атындағы Облыстық балалар мен жасөспірімдер кітапханасы.

2.2. Ұйымдастырушы комитет жауапты (одан әрі - Ұйымдастырушы комитет) және жүзеге асырады:

- байқауды және ағымдағы ұйымдастыру жұмыстарының жалпы басшылығын жүзеге асырады;

- Байқауды ақпараттық қолдауды («Байқау туралы ереже» Ы.Алтынсарин атындағы ОБЖК-да жариялануын) жүзеге асырады; Байқаудың барысы мен қорытындысының БАҚ-да жариялануымен айналысады;

- Байқаудың облыстық кезеңіне (финалға) аудандық, қалалық балалар кітапханалары тапсыратын материалдарды қабылдайды;

- марапаттау салтанатын дайындайды және өткізеді.

2.3.Байқаудың жұмысы мен балалардың өнерін бағалау үшін әділ қазылар алқасы жазушылардан, кітапханашылардан және кітапхананың үздік оқырмандарынан, өнер және мәдениет қайраткерлерінен, Қостанай облысының қоғам қайраткерлерінен құралады.

2.4. Байқау екі кезеңнен тұрады:

- аудандық, қалалық кезең – өткізілу мерзімі 2018 жылдың 05.02. - 06.04. дейін.

- облыстық кезең (финал) - өткізілу орны — Ы.Алтынсарин атындағы облыстық балалар мен жасөспірімдер кітапханасы, мерзімі – 20.04.18 ж.

2.5.Аудандық, қалалық кезеңдерінің жеңімпазы болып, ең көп ұпай жинаған 1 қатысушы саналады. Қостанай қ. үшін қалалық кезеңнің жеңімпаздарының саны – 3 қатысушы. Аудандық, қалалық кезеңдердің жеңімпаздары байқаудың облыстық турына (финалға) өтеді.

2.6. Іріктеу айналымының нәтижелері, екінші кезеңге қатысуға сұраныстар Ұйымдастырушы комитетінің omir@allib.kz электронды поштасына 06.04.18ж. дейін жіберіледі. Іріктеу айналымының нәтижелері туралы есеп пен екінші кезеңге қатысудың сұраныстар формасы 1,2-қосымшада.

3. Байқаудың шарты

3.1.Байқауда қазақстандық авторлардың проза түріндегі шығармалары орындалады.

3.2. Бір оқылымның регламенті 5 минуттан аспауы тиіс. Оқу барысында музыкалық сүйемелдеу (презентация, бейне ролик қолданбау керек), декорация, костюм қолдануға болады. Қатысушы дауыс жазбасын қолдануға құқы жоқ. Байқаудың әр қатысушысы шығарманы ешкімнің көмегінсіз өзі орындайды.

3.3. Байқауға барлық тілек білдірушілер қатыса алады, бірінші кезеңде оқушыны байқауға қабылдамауға немесе байқауға күшпен қатыстыруға тыйым салынады.

4. Қатысушы өнерін бағалау

4.1. Байқауға қатысушылар өнерін бағалаудың негізгі белгілері:

- таңдалған шығарманың орындаушының жас ерекшелігіне және байқаудың ережелеріне сәйкестігі;

- таңдап алынған шығарманың өзіндік ерекшелігі;

- сөйлеу мәнерінің айқындығы және нақтылығы (логикалық екпін, дауыс ырғағы, тембр, оқылымның эмоционалдық-экспрессивтік көркемдігі);

- мәтіннің бейнелік желісі мен мазмұндық құрылымын терең сезінуі;

-  актерлік шеберлігі;

- шығарма тақырыбына музыкалық сүйемелдеудің, костюмнің үндесуі.

4.2. Қатысушылардың өнері 10 балдық жүйемен бағаланады.

5. Қатысушыларды марапаттау

5.1.Екінші кезеңнің әр қатысушысы байқауға қатысқаны туралы куәлік алып, кітаптармен марапатталады;

5.2. Әділ қазылар шешімімен әр номинация бойынша бір қатысушы арнайы сыйлықтармен марапатталады:

- «Мұра» (қазақ тілінде қазақ әдебиет шығармаларын үздік оқығаны үшін)

-«Шебер сомдаушы»

-«Айрықша таңдау» (шығарманы таңдау шеберлігі)

-«Үздік бейне» (бейнені сомдауда шығармашылық танытқаны үшін);

- «Кітапхана таңдауы».

5.3. Облыстық «Сөз құдіреті» байқауының жеңімпазы болып, ең жоғары балл жинаған 3 қатысушы атанады. Жеңімпаздар дипломдармен, бағалы сыйлықтармен марапатталады.

6. Байқауды ұйымдастыру және жүргізу жұмыстарын қаржыландыру

6.1. Байқаудың бірінші кезеңін ұйымдастыруға (аудандық, қалалық айналымдарда), сыйлық қорына қажетті қаржыландыруды аудандық, қалалық мәдениет пен тіл дамыту бөлімдері жүзеге асырады.

6.2. Байқаудың қорытынды кезеңін ұйымдастыруға, сыйлық қорына қажетті қаржыландыруды Қостанай облысы әкімдігінің Мәдениет басқармасы жүзеге асырады.

1-қосымша

«Сөз құдіреті» байқауы бойынша іріктеу айналымының нәтижесі туралы есеп

(кітапхана атауы)

__________________________________________________________________________________________

Өткізу мерзімі:

Байқауға қатысушылар тізімі

Байқаудың 1-кезеңінің қысқаша сараптамасы (тиімділігі, балалардың , педагогтердің, әділ қазылардың пікірлері). Аудандық/қалалық байқау кезеңінің көрермендер саны.

2-қосымша

Бесінші облыстық «Сөз құдіреті» байқауының екінші кезеңіне (финалға) қатысуға сұраныс

Приложение