Қостанай қаласындағы әлеуметтік қызметтер көрсету орталығының тәрбиеленушілері үшін мерекелік «Міне, тағы Жаңа жыл» атты іс-шара өткізілді. Аталған іс-шараның мақсаты — жылы әрі қуанышты мерекелік көңіл-күй сыйлау болды. Іс-шара барысында балалар иістер, дыбыстар және тактильдік сезімдер арқылы жаңа жылдық дәстүрлер мен қыстың жағымды әсерлерін еске түсірді. Қарапайым қимыл-қозғалыс және ырғақты ойындар ұйымдастырылып, мейірімді жаңа жылдық мультфильм көрсетілді, сондай-ақ жұмсақ қағаздан жасалған «қар кесектері» атты ойын ойнады. Іс-шара соңында балалар бір-біріне жылы лебіздерін білдіріп, ізгі тілектер айтып, көтеріңкі көңіл күй сыйлады.