21 ақпанда «Библиоkids» кітап клубының алғашқы сабағы өтті. Балалар клубтың мақсаттары мен ережелерімен танысып, алдағы сабақтардың қалай өтетінін талқылады.
Қатысушылар үлкен қызығушылықпен Шел Сильверстайнның «Жомарт ағаш» және Ева Яниковскидің «Был бы я взрослым» атты екі кітабын оқыды. Оқу барысында балалар бір-бірін мұқият тыңдап отырды, шығармалармен танысқаннан кейін табиғатқа ұқыпты қарау, сондай-ақ әр адамның өміріндегі тәрбие мен жауапкершіліктің рөлі туралы әңгіме өрбіді. Балалар өз пікірлерін білдіріп, жеке тәжірибелерінен мысалдар келтірді, сондай-ақ ойларын сурет салу арқылы шығармашылық тұрғыда жеткізді. Кездесу соңында қатысушылар «Эверест» мультфильмін тамашалап, ол танымдық сабақтың жағымды қорытындысына айналды.
