Ғафу Қайырбеков атындағы жалпы білім беретін мектептің оқушылары үшін қоршаған ортаны қорғау және табиғатты ластамау мақсатында «Табиғатты аяла» атты экологиялық сағат өткізілді.
Шара барысында балалар белсенділік танытып, қоршаған ортаны сақтауға қатысты өз ойларымен және пайдалы ақпараттармен бөлісті. Оқушылар қоқысты сұрыптаудың, пластик пен қағаз қалдықтарын бөлек жинаудың маңызын айтып, күнделікті өмірде суды үнемдеу жолдарын талқылады.
Экологиялық сағат соңында қатысушылар табиғатты қорғау — әрбір адамның азаматтық міндеті екенін атап өтіп, барлық құрдастарын қоршаған ортаға ұқыпты қарауға шақырды.
