«Sabi Start» оқу орталығының білім алушылары үшін Қазақстан Республикасының Қызыл кітабына арналған табиғатты аялау тақырыбында танымдық тәрбие сағаты өтті.
Іс-шара барысында балалар Қызыл кітаптың шығу тарихымен танысып, қорғауды қажет ететін сирек кездесетін жануарлар, құстар мен өсімдіктер туралы мағлұмат алды. Сонымен қатар табиғатты қорғаудың және қоршаған ортаны сақтаудың маңызы жөнінде маңызды ақпараттармен танысты.
Танымдық ойындар арқылы оқушылар Қазақстанның Қызыл кітабына енген өсімдіктер мен жануарлар дүниесінің сан алуан әрі таңғажайып өкілдері туралы қызықты деректер білді. Іс-шараға қатысушылар сұрақтарға белсене жауап беріп, жұмбақтардың шешуін тауып, танымдық ойындарға қатысып, мультфильмдер тамашалады.
Кездесу соңында балалар табиғатты аялаудың негізгі қағидаларын тағы бір мәрте еске түсіріп, маңызды қорытынды жасады: Жеріміздің жарқын болашағы – әрқайсымыздың табиғатқа деген жауапкершілігімізге байланысты.
