«Қостанай қаласының әлеуметтік қызмет көрсету орталығының» тәрбиеленушілеріне арналған «Жүзетін, ұшатын, ызыңдайтын, мияулайтын және үретіндер туралы» атты әдеби зообақ өткізілді. Іс-шара жануарлар әлеміне деген қызығушылықты арттыруға, танымдық белсенділікті, зейін мен есте сақтау қабілетін дамытуға бағытталды.Іс-шара барысында қатысушылар жануарлар мен жәндіктер туралы білімдерін тексеріп, әдеби шығармалардағы кейіпкерлерді еске түсірді және кейіпкерлерді олардың сөздері арқылы тапты. «Әріптерден жануар құрастыр», «Әдеби зообақ» және «Ең білімді әдебиет білгірі» атты ойын тапсырмалары ерекше қызығушылық тудырды, «Жануарды тап» музыкалық үзілісінде балалар музыкалық үзінділер арқылы жануарларды тауып, өздерінің зейінділігі мен тапқырлықтарын көрсетті. Іс-шара соңында балалар табиғатты қорғаудың және жануарларға қамқорлық жасаудың маңыздылығын тағы бір мәрте атап өтті.