3 қыркүйек күні кітапханамызда жаңа оқу жылының басталуына орай «Кітап бізді білім шыңдарына жетелейді» атты әдеби компас өтті! Балалармен бірге біз сүйікті кітаптарымыздың беттері арқылы қызықты саяхатқа аттандық. Саяхат барысында қатысушыларды ертегі соқпақтары, жұмбақтар аралы, әдеби кейіпкерлер қаласы, шытырман оқиғалар теңізі мен білім шыңдары күтті. Ал бұл саяхаттағы басты жол көрсетуші - әдебиеттің таңғажайып әлемінің жаңа беттерін ашуға және дұрыс бағытты табуға көмектескен сиқырлы әдеби компас болды. Іс-шара көңілді әрі танымды өтіп, балаларға көтеріңкі көңіл күй сыйлады!