Бүгін біздің кітапханамыздың қабырғасында нағыз рух пен шабытқа толы керемет онлайн кездесу өтті. «Сөз шеберімен online» жобамыз аясында қазақ әдебиетінің көрнекті өкілі, халықаралық «Алаш» әдеби сыйлығының лауреаты және балғын оқырмандарымыздың сүйікті жазушысы Ділдәр Мамырбаевамен жүздестік.

Бұл кездесудің жанымызға берері мол болды. Әсіресе, шараға қатысқан Ы. Алтынсарин атындағы мамандандырылған мектеп-гимназия-интернатының 6-сынып оқушыларының жанарларындағы ұшқын мен кітапқа деген шексіз қызығушылығын көріп ерекше әсер алдық. Балалар жазушыға жай ғана сұрақ қойып қойған жоқ, олар жүрекжарды ойларын ортаға салып, нағыз мазмұнды сыр-сұхбат құра білді.