18 наурыз – «Наурызнама» онкүндігі аясында атап өтілетін Ұлттық киім күні.

Бұл күн қазақ халқының салт-дәстүрлерін жаңғыртуға арналған.

Соңғы уақытта ұлттық киімге деген қызығушылық артып, оның маңызы әлемдік деңгейде де жоғарылап келеді. Іс-шара барысында оқушылар этнокиімнің тарихы мен даму кезеңдері туралы мағлұмат алды. Сонымен қатар, сәукеле, кимешек, ішік сияқты ұлттық киім түрлерінің ерекшеліктері мен олардың қай кезде киілетіні түсіндірілді.

Кейбір қатысушылар ұлттық стильде фотосуретке түсу мүмкіндігіне ие болды. Іс-шара дәстүрлі шашумен аяқталды.

17 наурыз – отбасы құндылықтарының маңызын айқындайтын, ата-баба дәстүрлерінің сабақтастығын дәріптейтін күн. Бұл күні отбасыдағы бірлік пен жылылықтың мәні ерекше атап өтіледі. Сондықтан да бұл күн «Шаңырақ күні» деп аталады. Киіз үй – ежелгі көшпелі халықтардың дәстүрлі баспанасы. Іс-шара барысында оқушылар киіз үй атауының шығу тарихымен, оның құрылымдық бөліктерімен, атқаратын қызметімен және қай халықтардың тұрмысында қолданылғанымен танысты.

Іс-шараға №8 мектептің 8-сынып оқушылары мен индустриалды-педагогикалық колледж студенттері қатысты. Кітапхана еріктісі, татар диаспорасының өкілі Латыпова Гульнар Талғатқызы ұлттық ойындар өткізіп, қатысушыларға ақ тілегін арнады. Ол өз сөзінде бұл мерекенің маңыздылығына, ұрпақтар сабақтастығының мәніне ерекше тоқталды. Іс-шара соңында достық шеңбері құрылып, әр қатысушы өз жүрек түкпіріндегі тілегін білдірді.

Қостанай өңірі- қазақ халқының көптеген данышпан ұлдарының шыққан жері. Мұнда мықты батырлар мен ақылды билер өмір сүрген. Бүгін біз Қостанай облысы Аманкелді, Торғай өңірлерінен шыққан сөз шебері, дарынды ақын- жазушыларымыздың өмірбаянына тоқталатын боламыз. «Ел мен жердің тағдырына, оның өркендеуі мен өсуіне, тарихи дамуына оң ықпал жасаған қазақ зиялыларының Торғай мен Қостанай өңіріне тиесілі еншісінің өлшеусіз мол екеніне ешкім шек келтірмесе керек.

Құрақ көрпе Көрпе — әрбір қазақ отбасының тұрмысында ерекше орын алатын үй бұйымы. Әдетте ол құрақтан (құрақ көрпе) тігіліп, ішіне мақта, жүн немесе мамық салынады және ұлттық өрнектермен әсемделеді. Бүгін «Наурыз-көктем мейрамы» шығармашылық шеберханасын өткізу аясында №8 жалпы білім беретін мектептің 8-сынып оқушылары үшін көрпеге арналған «Сегіз жапырақ» өрнегін жасау бойынша шеберлік сабағы өтті. Оқушылар ертеден тұрмыстық бұйымдарды безендіруде қолданылып келген түрлі ою-өрнектердің мағынасы мен ерекшеліктері туралы білді. Нәтижесінде осындай әдемі жұмыстар дайындалды.

Ыбырай Алтынсарин атындағы облыстық балалар мен жасөспірімдер кітапханасында көрнекті ыбырайтанушы, доцент, филология ғылымдарының кандидаты, ақын Серікбай Оспановпен кездесу өтті. Кездесу қазақтың көрнекті педагогы әрі ағартушысы Ы. Алтынсариннің туғанына 185 жыл толуына арналды.

Әңгіме барысында Ы. Алтынсариннің ағартушылық қызметі, қазақ білімінің дамуына қосқан үлесі, сондай-ақ оның идеяларының қазіргі қоғамдағы өзектілігі талқыланды.

Кездесу мазмұнды әрі нәтижелі өтіп, өскелең ұрпақты жақсылық пен жамандық, сараңдық пен жомарттық, адамды адам ететін қасиеттер туралы ойлануға жетеледі.

16 наурыз күні кітапханада мерекелік іс-шара өтті. Бұл жолы кітапхана қонақтары «Қостанай индустриалды-педагогикалық колледжінің» студенттері болды. Іс-шара мәдениет пен ұлттық дәстүрлерге арналды.
Жастар ұлттық дәстүрлі өнердің бірі – «Ши-тоқу» өнерімен танысты. Бұл – жүн мен жабайы қамыстың сабағынан тоқылатын көне қолөнер түрі, оны біздің әжелеріміз жақсы меңгерген. Қолөнер туралы шебер Барсакбаева Ибагуль Накаувна әңгімелеп, оның қыр-сырын түсіндіріп берді.
Шеберлік сабағынан кейін студенттер арқан тартыс ойынында күш сынасты. Іс-шара соңында қонағымыз студенттерге бата берді.