Қымбатты достар! Біз сіздерге Қостанай өлкесіндегі Наурызым қорығы жайында екі бөлімнен тұратын бейнебаян ұсынып отырмыз. Алғашқы бөлімде қорықтың жалпы келбетін суреттесек, екінші бөлімде Наурызымның жан-жануарлар дүниесіне үңілдік. Наурызым қорығы бойынша саяхат – тірі табиғатты оның барлық сұлулығы мен асқақтығын көруге мүмкіндік беретін ерекше үдеріс: сыңғырлаған тырна үнін есту, аспанда самғаған бүркіттерді тамсана тамашалау және Қазақстанның жүрегінде сақталған ежелгі жабайы табиғаттың тынысын сезіну.

Бүгін біз сурет салудың ерекше әрі қызықты тәсілдерінің бірі – түтікше арқылы үрлеп сурет салу техникасын меңгердік. Қатысушылар бояу тамшысын және ауа ағынын пайдалана отырып, өзіндік ерекшелігі бар, креативті шаш үлгілерімен безендірілген кейіпкерлер галереясын жасады. Шығармашылық үдеріс өте тартымды әрі қызықты өтті, ал оның нәтижесі күтпеген әрі әсерлі болды. Әрбір жұмыс өзіндік көркемдік шешімімен және қайталанбас стилімен ерекшеленді.

Шағын әрі достық атмосферада «Нейрокітап: .қиял және шығармашылық» үйірмесінің үшінші отырысы өтті. Жас оқырмандар бразилиялық жазушы Лижия Божунганың «Желтая сумка» атты кітабымен танысып, шығарманың сюжетін, кейіпкерлерін және негізгі идеяларын жан-жақты талқылады. Одан әрі нейрожелілердің көмегімен қатысушылар оқыған кітап желісі бойынша суреттер жасап, оларды жандандырып, статикалық фотосуреттерді қызықты әрі мағыналы хикаяларға айналдырды. Отырыс барлық қатысушыларға үлкен қуаныш сыйлап, өте қызықты, әрі тартымды өтті.

«Денсаулық» бағдарламасы аясында және Халықаралық нашақорлықпен күрес күні қарсаңында кітапхана «Денсаулық – сенің күшің» атты акциясын өткізді.

Қала тұрғындарына нашақорлықтың алдын алуға арналған кітаптар туралы ақпарат қамтылған парақшалар таратылды. Ұсынылған басылымдардың қатарында – А. Әлімжановтың «Нашақорлық қорқынышы», З. Есенаманның «Хардкор» және басқа да еңбектер бар.

Акцияның мақсаты – нашақорлық мәселесіне назар аудару және салауатты өмір салтын насихаттау.

Қостанай қаласындағы әлеуметтік қызмет көрсету орталығының тәрбиеленушілері үшін «Бізде қосымша ғаламшар жоқ!» атты экологиялық сабағы жүргізілді. Іс-шара барысында балалар таза ауаның адам өміріндегі маңызы, оның ластану себептері және қоршаған ортаны сақтау жолдарымен танысты. Қатысушылар «Табиғатты қорғайық» мультфильмі мен «Адам және жер» атты тақырыптық бейнероликті тамашалап, одан кейін пікірталас пен ойындарға белсене араласты. Шара соңында балалар ауаның тазалығы мен қоршаған ортаны қорғау әрбір адамның жауапкершілігіне байланысты екендігі туралы ортақ қорытындыға келді.

Бильбоке – пластик бөтелкеден жасалған ойыншық. Бүгін №1 мектеп-лицейінің 4-сынып оқушылары үшін қызықты шеберлік сабағы өткізілді. Балалар өздеріне арналған ойыншықты қолдан жасады. Бильбоке – ежелгі ойыншық, ол жіпке кішкентай допша байланған тостағаншадан тұрады. Ойынның мәні – допты жоғары лақтырып, оны қайтадан тостағаншаға түсіру. Өз қолдарымызбен жасаған жұмыстарымыздың нәтижесін сіздердің назарларыңызға ұсынамыз.

Қазақстан Республикасының Президенті Қасым-Жомарт Кемелұлы Тоқаевтың «Оқу мәдениетін дамыту және оқитын ұлтты қалыптастыру шаралары туралы» Жарлығында белгіленген міндеттерді іске асыру аясында биыл 19 маусымда Ы. Алтынсарин атындағы облыстық балалар мен жасөспірімдер кітапханасында өңір кітапханашыларының жұмысшы кеңесі өтті. Іс-шараға Қазақстан Республикасы Ұлттық академиялық кітапханасының директоры Күміс Қарсақбайқызы Сейтова қатысып, Қостанай облысының кітапханашыларымен кездесті. Жиынның негізгі тақырыбы - Қазақстан Республикасының «Кітапхана және кітап баспа ісі туралы» Заңының жобасы болды. Кеңес барысында қатысушылар заң жобасының негізгі ережелерін қарастырып, кітапхана саласын дамытудың өзекті мәселелерін, кітапханалық қызмет көрсетуді жетілдіру, оқуға қолдау көрсету және кітапханалардың қоғамның зияткерлік және мәдени әлеуетін қалыптастырудағы рөлін күшейту мәселелерін талқылады. Жаңа заңның қабылдануы кітапхана саласын жаңғыртудағы және Қазақстанда оқу мәдениетін дамыту жөніндегі мемлекеттік саясатты жүзеге асырудағы маңызды қадам болады.