Ұлы Абайға арналған Халықаралық дауыстап оқу күніне "Үндестік"жекеменшік мектебінен 2-сынып оқушылары шақырылды. Балалар ақын мен философтың шығармашылығы туралы білді және балалар өз елінің лайықты азаматы болып өсуі үшін қандай қасиеттерге ие болуы керектігін айтты. Ол қасиеттер мен іс-әрекеттердің барлығын Абай Құнанбаев өз "қара сөздерінде"жазған.Сондай-ақ балалар ақынның шығармаларымен танысып, ақынның сөздерін сезіну үшін барлық балалар кезекпен «Көктем» өлеңін «Жыл мезгілдері» циклынан дауыстап оқыды.

Көктемнің алғашқы күнін Қазақстандықтар «Рахмет» сөзімен қарсы алады. Себебі 1 наурыз -Алғыс айту күні өте терең мағыналы мереке. Алғыс айту күні-еліміздің әрбір азаматының бір-біріне құрмет көрсету күні.
«Кәмелетке толмағандарды бейімдеу орталығының» тәрбиеленушілері үшін «Рахмет еліне саяхат» деген алғыс айту сағаты өткізілді. Балалар «Рахмет» елін аралап, «Сөздерді жалғастыр» «Сыпайы сөздер», "Мұқият болыңыз», «Сұрақ-жауап» деген бірқатар ойындардың тапсырмаларын орындады.
Бейнебаянның көмегімен мерекенің тарихы және дәстүрімен жақынырақ танысып, бір-бірімізге мақтау айтайық атты қызықты бейнебаян тамашалады. Бейнебаян көргеннен кейін балалар сыпайы болу керек деген қорытындыға келді, тек сұрағанда ғана емес, сонымен қатар күнделікті сыпайы сөздерді қолдану, бәріне мұқият болу және үлкендерді құрметтеу керек деп білді. Іс-шара соңында балаларға естелік ретінде жүректі ашықхаттар сыйға тартылды.

2023 жылдың 26 ақпанында жасөспірімдерге арналған заманауи жазушылардың бірі - Евгения Басованың (Ильга Понорн) туғанына 60 жыл толды. Евгения Басованың ертегілері әртүрлі жағдайларда қалай әрекет ету керектігі туралы дайын жауаптар бермейді,олар жасөспірімдердің өмірі туралы әңгімелейді, оларды ойлануға және шығарманы қайта оқуға деген құлшыныстарын тудырады.

27 ақпан күні Ыбырай Алтынсарин атындағы Облыстық балалар мен жасөспірімдер кітапханасында Шәкәрім Құдайбердіұлының туғанына 165 жыл толуына орай «Шәкәрім оқулары» республикалық Шәкәрім мұрасын жатқа айтушылардың байқауының облыстық іріктеу кезеңі өтті.

Байқауға облыстың түкпір-түкпірінен қатысушылар жиналды.

Әділқазылар алқасының шешімімен І орынды Жангелді ауданы Ыбырай Алтынсарин атындағы жалпы білім беретін мектебінің 7 сынып оқушысы Қосылбек Айша, ІІ орынды Қостанай қаласының Ы. Алтынсарин атындағы мамандырылған мектеп-гимназия-интернатының 6 сынып оқушысы Хасен Айсауле, ІІІ орынды Қостанай қаласының № 115 жалпы білім беретін мектебінің 5 сынып оқушысы  Арманбек Мұхаммедали иеленді.

Байқау жеңімпаздары дипломдармен және алғыс хаттармен марапатталды.

6 наурызда байқаудың республикалық іріктеу кезеңі онлайн түрде өтеді, оған Қостанай облысынан Қосылбек Айша қатысады.

Ғылыми-көпшілік әдебиет бөлімінде Сыбайлас жемқорлыққа қарсы іс-қимылға арналған тұрақты тақырыптық сөре жаңартылды. Осы тақырып бойынша мерзімді басылымдардан жаңа басылымдар қосумен қатар, біз сыбайлас жемқорлықтың жағымсыз жақтары туралы әңгімелейтін көркем әдебиеттер таңдауын кеңейттік. Және де сыртқы бейнесін де өзгерттік. Көрме қазіргі заманда да, өткен ғасырларда да өзекті тақырыптардың бірі болды. Кітаптар сыбайлас жемқорлық тек пара алу ғана емес, сонымен қатар қызмет бабын теріс пайдалану екенін еске салады.

24 ақпанда Ересек мектеп оқушылары мен жасөспірімдерге қызмет көрсету бөлімінде «Алтынсарин кездесулері» жобасы аясында «Дала жұлдызы Ы. Алтынсарин» атты мектептер арасында батл өткізілді. Іс-шараға қаламыздың Ғ.Қайырбеков атындағы №9 мектебі мен №115 жалпы білім беретін орта мектебінің 7 сынып оқушылары қатысты. Екі мектеп оқушылары ұлы ұстаз Ы.Алтынсариннің өмірі мен шығармашылығына байланысты білімдерін ортаға салып, өзара сайысқа түсті. Батл 6 кезеңнен тұрды. Ойын барысында қатысушылар ағартушының әңгімелерімен танысып, Ы. Алтынсариннің авторлық жұмбақтарын шешіп, эмодзи әдісімен шығарма атауын шешті.

Сайыс қорытындысы бойынша №115 жалпы білім беретін мектебі жеңіске жетті. Зияткерлік ойын оқушылардың да, ұстаздардың да көңілінен шықты.

№3 мектеп-гимназиясының 10 сынып оқушылары үшін француз классигі Ж.Верннің 195 жылдығына орай «Ерекше саяхат» әдеби ойыны өткізілді. Ойынның мақсаты – жазушы шығармаларындағы шытырман оқиғалардың шексіз әлемімен таныстыру. Қызықты бейнеролик жас көрермендерді автордың шығармашылығының алғашқы қадамдарымен таныстырды. Ойынның басында балалар екі топқа бөлінді. Ж.Верннің кітаптарын оқығандар аз болғанымен, олар күрделі тапсырманы орындауды батыл қолға алды: олар капитан Грант балаларының дүниежүзілік бағдарымен жүріп өтті, автордың кітаптарындағы капитандардың аты-жөні жазылған филворд шешті. Барлығы жақсы эрудиция көрсетіп, эмоционалды заряд алды. Ойын қызықты әрі тартысты өтті.

21 ақпан, сейсенбі күні мектепке дейінгі, бастауыш және орта мектеп жасындағы балаларға қызмет көрсету бөлімі «Әлеуметтік қызмет көрсету орталығының» тәрбиеленушілерін «Рахмет» еліне саяхат» алғыс айту сағатына шақырды.
Алғыс айту сағатын көркем әдебиет бөлімінің кітапханашылары жалғастырды. Мастер-класста балалар эмоциялардың, сезімдер мен көңіл-күйлердің барлық ерекшеліктерін көрсетуге тырысты.
 

22 ақпанда Ересек мектеп оқушылары мен жасөспірімдерге қызмет көрсету бөлімінде «Алтынсарин кездесулері» жобасы аясында жазушы, ағартушы-ұстаз Ы. Алтынсариннің өмірі мен шығармашылығына арналған «Дала жұлдызы» зияткерлік сайысы өткізілді. Сайысқа №18 мектеп-гимназиясының 8 және 9 сынып оқушылары қатысты. Ойын 6 кезеңде өтті. Ойын барысында қатысушылар ұлт ұстазының шығармашылығына, өміріне қатысты сұрақтарға жауап беріп, жазушының әңгімелерімен, әңгіме кейіпкерлерімен танысып, Ы. Алтынсариннің авторлық жұмбақтарын шешті. Сайыс қызықты әрі тартысты өтті.

Сайыс қорытындысы бойынша 8 сынып оқушылары жеңіске жетті. Зияткерлік ойын оқушылардың да, ұстаздардың да көңілінен шықты.

"Ы. Алтынсарин атындағы мамандандырылған мектеп-гимназия-интернаты" КММ 5 сынып оқушыларына мектеп жасына дейінгі және бастауыш сынып оқушылар бөлімі Марат Қабанбайдың 75 жылдығына арналған «Бала бағының бағбаны» атты әдеби вернисажын өткізді. Іс-шарада балалар жазушысы Марат Қабанбаевтың «Жиһанкез Тити» әңгімесінең үзінділер алынып экспромт үлгісінде шағын импровизация көрсетілді. Оның «Бақбақ басы толған күн» хикаятының негізінде «Он екі жасқа толғанда» атты фильмінен үзінді көрсетілді.