11 мектептің 8 «б» сынып оқушыларына арналған кәсіптік бағдар беру ойыны өткізілді. Біз балаларды заманауи мамандықтарымен де, болашақ мамандықтарымен де таныстырдық. Кәсіп, мамандық, лауазым және біліктілік сияқты ұғымдарды талдап, бекіту үшін практикалық жұмыс жүргіздік. Балалар мультипликация әлеміне еніп, Чип пен Дейл немесе Қызыл телпек кейіпкерлері қандай мамандық иелері бола алатыны туралы әңгімелесті. Ойын барысында балалар логист пен фандрайзердің немен айналысатынын білді. Іс-шара соңында «Мамандық жолында» атты кітап көрмесі ұсынылды.

2012 жылдан бастап жыл сайын 14 ақпанда балаларға кітап сыйлайтындардың барлығын біріктіретін және оқуға деген сүйіспеншілікті оятатын Халықаралық кітап сыйлау күні атап өтіледі.

Бұл мереке 2012 жылы бір американдық баланың: «Неге күнтізбеде адамдар бір-біріне кітап сыйлайтын, бір-бірімен кітап алмасатын күн жоқ?» деген сұрағына байланысты пайда болды.

Баланың қызығушылығы арқасында оның анасы Эмми Бродмур, балалар кітабы сайтының авторы, осындай мерекені құру идеясын ұсынды. Әйелдің бастамасын оның туыстары мен достары, сондай-ақ әлеуметтік желідегі жазылушылары да қолдады. Осылайша бұл идея бүкіл әлемге тарады.

Бұл күні кітапты ең алдымен балаларға, сондай-ақ кітап оқуға қол жетімділігі шектеулі жандарға сыйлау дәстүрге айналған. Сыйға берілген кітап біреу үшін, көптен бері толғандырған сұрақтарға жауап беруі мүмкін, біреу үшін- ол жарқын әсерлер мен эмоциялардың қайнар көзіне немесе есте қаларлық, тіпті тағдырлы оқиғаға айналуы мүмкін.

Әр адам бұл мерекеге - достары мен отбасына сыйлық жасап, кітапханаларға, мектептерге, балалар мекемелеріне кітаптар әкеліп оңай қосыла алады.

Биылғы жылы біздің кітапхана ауыл кітапханасына сыйлық ретінде кітаптар жинап жатыр.

БІЗДІҢ АКЦИЯНЫ ҚОЛДАҢЫЗДАР!

Қазақстан балаларының республикалық «Дружные ребята» газетіне биыл 90 жыл

Қазақстанда тұңғыш орыс тіліндегі балалар газеті 1933 жылы құрылған. Газетке кішкентай-журналистер өздерінің өлеңдер, ертегілер, қызықты оқиғаларын жібере алады. Газет ұжымы жұмысын бастағаннан бастап көптеген қиындықтарды бастан кешірді. Бірақ, соған қарамастан өзінің жас буын оқырмандарын тыстаған емес.

ҚР Ұлттық академиялық кітапханасы «Шәкәрім оқулары» атты Шәкәрім мұрасын жатқа айтушылардың республикалық байқауын өткізуде.

Республикалық байқаудың облыстық іріктеу кезеңі офлайн форматта  2023 жылдың 27 ақпанында Ы.Алтынсарин атындағы облыстық балалар мен жасөспірімдер кітапханасында өтеді.

5-7 сынып оқушыларын байқауға қатысуға шақырамыз.

Байқаудың облыстық іріктеу кезеңінде жеңіске жеткен қатысушы 06.03.2023 жылы сағат 15.00-де ZOOM платформасында онлайн-форматта өтетін Республикалық іріктеу кезеңіне қатысады.

Онлайн байқаудың 5 үздік қатысушысы Астанаға Республикалық байқаудың финалына шақыру алады.

Финал 15.03.2023 ж. 15.00-де Астана қаласында, ҚР Ұлттық академиялық кітапханасында офлайн форматта өтеді.

Облыстық іріктеу кезеңінде қатысу мәселелері бойынша телефон арқылы хабарласуға болады

 (8 714) 2 54-11-61 Шынар Тулегеновна

ЕРЕЖЕ

#шәкәрімоқулары

Қазақстанның халық әртісі, композитор, әнші, Мемлекеттік сыйлықтың иегері Алтынбек Қоразбаевқа – 75 жас. Алтынбек Қоразбаевтың халық сүйіп тыңдайтын «Қара кемпір», «Қара шал», «Шашбаулым», «Сырғалым», «Аяулы Таразым», «Кенен ата», «Сағындым Кенен атамды» әндері тарихи керемет әндер болып қала береді.

Қазақстан Республикасының Ұлттық Банкі ұлттық валюта - теңгенің 30 жылдығына орай банкноттардың қорғаныш элементтері туралы бейнеролик шығарды.

2023 жылғы 31 қаңтарда балалар ақыны Рената Григорьевна Муханың (1933-2009) туғанына 90 жыл толды. Бүгінгі күні жақсы балалық шақты Рената Муха жазған өлеңдерсіз елестету мүмкін емес. Сіз оларды міндетті түрде кездестірдіңіз. Өлеңдері қысқа, үйлесімді және қызықты болғандықтан, оларды қайтадан оқып, қайта күле бергің келеді.

Құрметті достар! 2023 жылы біз "Периодика планетасы" айдарын "Бірге оқимыз" бейне шолуымен жалғастырамыз. Бүгін біз "Шишкин лес" журналынан Татьяна Сахарованың әңгімесін оқимыз. Бізбен бірге болыңыз!

2021 жылы кітапханада Ыбырай Алтынсарин атындағы балалар мен жасөспірімдерге арналған Үздік әдеби шығармалардың республикалық байқауы бастау алған болатын. Байқауға еліміздің түпкір-түпкірінен көптеген жазушылар қатысты. Айта кететін болсақ, Әлібек Байбол, Қанат Қайым, Ксения Земскова және қостанайлық жазушы Александра Суслова. Ұсынынып отырған «Жаңа кітап – жаңа әлем» атты кітап көрмемізде 2021 жылы байқауға қатысқан барлық автор - финалистерімен және байқаудың нәтижесі – «Таза бұлақ» жинағымен таныса аласыздар. Бірінші маусымның жеңімпазы - Көкшетау қаласының тумасы Дана Жантемірова.

Қаңтардың 24-нде кітапхананың кіші оқу залында «Әлеуметтік қызмет көрсету орталығының» тәрбиеленушілеріне «Барлығымызды қоян жаңа жылға шақырады» атты 2023 жылдың символына арналған ойын бағдарламасы өткізілді. Іс-шараға қатысушылар белсенділікпен жұмбақтарды шешіп, сұрақтарға жауап беріп, ойындар ойнады. «Қоян және аяз» ертегісін тындап, іс-шара соңында «Соңғы қоян» атты мультфильм тамашалады. Әрі қарай барлық қатысушылар «Нөмірлеу арқылы сурет салу» атты жұмыс түрін жасау үшін өнер бөліміне аттанды