Б. Момышұлы атындағы мектеп-гимназияның 4-сынып оқушыларына Алғыс айту күніне арналған «Бейбітшілік пен келісім – біздің алғысымыз» атты танымдық бағдарлама өткізілді.
Іс-шара барысында оқушылар мерекенің тарихын еске алып, бейбітшілік, келісім және өзара құрмет ұғымдарының маңызын талқылады. Балалар «Сиқырлы сөз», «Ертегілер бекеті», «Әдепті жұмбақтар», «Жақсы іс жасайық» ойындарына белсенді қатысты. Сонымен қатар «Ералаш» киножурналы мен «Мира мен Гоша» мультфильмі көрсетілді.
Бағдарлама оқушылардың қарым-қатынас мәдениетін дамытуға, бір-біріне құрметпен қарауға және алғыс айта білу дағдыларын қалыптастыруға ықпал етті.

Кәсіби бағдар беру іс-шаралары циклі аясында «Қостанай қызмет көрсету саласының колледжі» КМКҚ білім алушыларымен кезекті кездесу өтті. Берёза Полина, Жаксылыков Нурдаулет, Куюдина Яна, Лукьянчикова Арина, Ляшенко Виолетта, Махотина Ксения, Мирманова Даяна, Нугуманова Анель, Щастливая Елизавета өндірістік оқыту шебері Утюганова Евгения Сергеевнаның жетекшілігімен макияж жасау және шаштараз өнері бойынша өз шеберліктерін көрсетті. Дағдыларды көрсету барысында оқытуға арналған бейнесабақтар ұсынылды.

№19 мектептің 8-сынып оқушылары іс-шарадан көтеріңкі көңіл күймен шықты, ал ниет білдірген оқушыларға шаш үлгілері мен макияж жасалды.

Кітапханада 9-сынып оқушыларымен «Pro–право» атты диалог-кездесу өтті. Іс-шара қонағы Қостанай қалалық прокуратурасының аға прокуроры Кастай Адижан Амиржанович болды. Ол оқушыларға кәмелетке толмағандар арасындағы құқық бұзушылықтың алдын алу туралы әңгімелеп берді. Спикер кәмелетке толмағандардың әкімшілік және қылмыстық жауапкершілігіне, сондай-ақ мектепте және одан тыс жерде заңдар мен мінез-құлық нормаларын сақтаудың маңыздылығына ерекше назар аударды.

Мұндай іс-шаралар оқушылардың өз әрекеттеріне жауапкершілікпен қарауын қалыптастыруға, құқықтық мәдениетін дамытуға және жастар арасында заңдылық қағидаттарын нығайтуға ықпал етеді.

Қостанай облыстық Ыбырай Алтынсарин атындағы кітапхананың ғылыми-көпшілік әдебиеттер бөлімінде Алғыс айту күніне арналған «Барлығы үшін алғыс айтамын» атты интерактивті алғыс қабырғасы ұйымдастырылды.

№14 негізгі орта мектептің 9-сынып оқушылары кітапханаға экскурсиямен келіп, аталған акцияға үлкен қызығушылықпен қатысты. Оқушылар қабырғаға ата-аналарына, достарына, ұстаздарына және сыныптастарына арналған жылы әрі шынайы алғыс сөздерін қалдырды.

Жазылған әрбір сөз — мейірімділік, құрмет пен ризашылықтың көрінісі. Мұндай кездесулер алғыс айтудың, қолдаудың және бірліктің маңызын еске салады.

Барлық қатысушыға шынайылығы мен жарқын эмоциялары үшін алғыс білдіреміз!

Бүгін біздің кітапханаға Қостанай қаласындағы №20 жалпы білім беретін мектептің 5 сынып оқушылары экскурсиямен келді.
Экскурсия барысында оқушылар кітапхананың тарихымен танысып, оның бөлімдері мен залдары, олардың қызметі мен оқырмандарға ұсынатын мүмкіндіктері туралы мәлімет алды. Кітапханашы балаларға кітапханада өзін-өзі ұстау ережелерін, кітапты дұрыс пайдалану жолдарын және баспа өнімдеріне ұқыпты қараудың маңыздылығын түсіндірді.
Балалар танымдық викторинаға белсенді қатысып, сұрақтарға қызығушылықпен жауап беріп, өз білімдерін көрсетті. Сонымен қатар олар 185 жылдығына арналған ұлы қазақ ағартушысы Ыбырай Алтынсарин туралы кітап көрмесімен танысты. Оқушылар ағартушының өмірі мен шығармашылығы жайлы қызықты деректерді біліп, кітапхана қорындағы туындыларын тамашалады.
Экскурсия жылы әрі достық атмосферада өтті. Кездесу соңында балалар кітапхананың тұрақты оқырманы болуға уәде беріп, ата-аналарымен бірге қайта келетіндерін айтты.

Кітапханада оқушыларды өнер әлемімен және қаламыздың шығармашыл жандарымен таныстыруға бағытталған «Шығармашылықтан шабыт алған» жобасы өз жұмысын бастады. Жоба аясындағы алғашқы іс-шара «Саздан жасалған ғажайып» атты кездесу болды. Іс-шара аясында №17 орта мектеп оқушылары «У Малики» деп аталатын қыш шеберханасына барды. Қатысушылар сазбен жұмыс істеу тәсілдерімен танысып, бір ортақ бұйымды бірлесе жасауға атсалысты. Жоба алдағы уақытта өнердің түрлі бағыттарын ашатын және қала шеберлерімен таныстыратын іс-шаралар легімен жалғасын табады.

#ШығармашылықтанШабытАлған #СазҒажайыбы #ОШ17 #Кітапхана #МәдениЖобалар

ВИДЕО

Қазақтың ұлттық киімі — ғасырлар бойы қалыптасқан өнер туындысы. Ол тұрмыстық қажеттілік қана емес, адамның жасын, жынысын, әлеуметтік мәртебесін және қай өңірден екенін айқындайтын маңызды мәдени код болды.
Ұлттық киімді қастерлеу — өз тамырына деген құрмет. Себебі ұлттық киімді киген адам өз халқының рухын сезініп, өткен мен бүгінді жалғайтын көзге көрінбейтін байланысты сақтайды. Өз киіміміздің мәнін, ою-өрнектердің тарихын білсек, халқымыздың рухани байлығы мәңгі жасай бермек.