Бүгінгі күні қазақтың талантты актері, театр қайраткері, Қазақ КСР халық артисі, Қазақстан Мемелекеттік сыйлығының лауреаты Сабит Қоңырбайұлы Оразбаевтың туғанына 90 жыл толып отыр.

Көрнекті актердің тәуелсіз Қазақстанның сахна өнерін дамытудағы еңбегі үлкен.

Бұл кезеңде ол жасаған күрделі бейнелер қатарында А. Сүлейменовтің «Төрт тақта-жайнамаз» драма-диалогындағы Әбдінәсім шал, Д. Исабековтің «Ескі үйдегі екі кездесуіндегі» Айтөре, Б. Мұқайдың «Өмірзаясындағы» Әли, қырғыз драматургы М. Ғапаровтың «Тұзды шөліндегі» Президент, К. Аширдің «Қабыл – Адам ата перзентіндегі» Ібіліс, М. Байсеркеновтің «Абылайханның ақырғы күндеріндегі» Бұқар жырау, Ф. Буляковтың «Отыз ұлың болғаншасындағы» Абдулла және қырғыз драматургы Б. Жакиевтің «Жүрейік жүрек ауыртпай…» драмасындағы басты кейіпкер Қария сынды бір-біріне ұқсамайтын, жан дүние драматизмі күшті кейіпкерлерін жүрегінде заманның дерті бар әлеуметтік тип деңгейіне көтерді.

Заречный №1 жалпы білім беретін мектебінің 8-сынып оқушысы Әлсейтов Ералы және еңбек пәнінің мұғалімі Бижан А. С. кітапхана оқырмандары мен келушілеріне Ыбырай Алтынсариннің туғанына 185 жыл толуына орай ұйымдастырылған бір портрет көрмесін ұсынды.

Сондай-ақ Орынбор, Троицк және Қорған қалаларымен бірлесіп ұйымдастырылған халықаралық онлайн-турнирдің ашылуы өтті. «Біз Ыбырай Алтынсаринді білеміз» турниріне Ы. Алтынсарин атындағы мамандандырылған мектеп-гимназия-интернатының 9 «Б» сынып оқушылары қатысты.

Бүгін біздің кітапханамызда австриялық музыкант В. А. Моцарттың туғанына 270 жыл толуына арналған «Ғасырлар бойы тыңдалатын әуен» атты музыкалық сағат өтті. Моцарттың музыкасы жазылғанына 200 жылдан астам уақыт өтсе де, әлі күнге дейін өз құндылығын жоғалтқан жоқ. Оның шығармаларын әртүрлі елдің, әр жастағы, әр дәуірдің адамдары тыңдайды. Әр тыңдарман бұл әуендерден өзіне жақын, жүрегіне әсер ететін үнді табады. Осы шараны ұйымдастыруға атсалысқан №2 корпус балалар музыка мектебінің педагогтары — Лупаина Е. Г., Кудашева Т. А., Ким Т. Д., Фёдорова С. Л., Лозицкая В. Г., сондай-ақ олардың тәрбиеленушілері Махрова Варвараға, Качко Марьянаға, Баршаков Дмитрийге шынайы алғысымызды білдіреміз.

28 қаңтар күні ұлы ағартушы Ыбырай Алтынсариннің туғанына 185 жыл толуына орай «Біз Ыбырай Алтынсаринді білеміз» атты халықаралық онлайн-турнир өтті. Онлайн-турнир Қазақстан мен Ресейден келген қатысушыларды біріктіріп, зияткерлік ойын форматында ұйымдастырылды. Іс-шара мәдени диалогқа, білім алмасуға және кітапханалар арасындағы халықаралық ынтымақтастықты нығайтуға ықпал етті.

Турнирге төрт команда қатысты:

1. Троицк қаласы — «Ровесник» балалар мен жасөспірімдер кітапханасы

2. Орынбор қаласы — Жастарға арналған орталық облыстық кітапхана

3. Қорған қаласы — В. Ф. Потанин атындағы Қорған облыстық балалар мен жасөспірімдер кітапханасы

4. Қостанай қаласы — Ыбырай Алтынсарин атындағы мектеп-гимназия-интернаты

Турнир бағдарламасы Ыбырай Алтынсариннің өмірі, педагогикалық қызметі және әдеби мұрасына арналған 9 тақырыптық турдан тұрды. Ойын барысында командалар жоғары дайындық деңгейін, білімдарлығын, топпен жұмыс істей білу қабілетін және ұлы педагогтің шығармашылығын терең меңгергенін көрсетті.

Барлық турдың қорытындысы бойынша қазылар алқасы ең көп ұпай жинаған үш жеңімпаз команданы анықтады. Барлық қатысушылар алғыс хаттармен және сертификаттармен марапатталды. Онлайн-турнирдің өткізілуі Ыбырай Алтынсариннің мұрасын кеңінен насихаттауға, оқырмандық мәдениетті дамытуға және халықаралық мәдени ынтымақтастықты нығайтуға бағытталған мерейтойлық іс-шаралар легіндегі маңызды оқиға болды.

Бас прокуратураның Құқықтық статистика және арнайы есепке алу жөніндегі комитетінің Қылмыстық қатерлер мен қоғамдық қауіпсіздік тәуекелдерін болжау орталығы интернет-алаяқтықтың жаңа схемасы туралы ескертеді.

Шетелдік дереккөздердің мәліметтері бойынша
(https://vz.ru/news/2026/1/4/1385164.html, https://www.ixbt.com/live/offtopic/mvd-predupredilo-o-
vredonosnyh-zagruzkah-cherez-knizhnye-boty-v-telegram.html) алаяқтар тегін электрондық кітаптар ретінде Telegram-ға зиянды файлдарды таратады.

Алдау схемасы өте қарапайым: Сіз Telegram-нан кітаптардың үлкен кітапханасына қолжетімділік туралы шектеусіз хабарлама аласыз.

Қажетті басылым сұралғаннан кейін бот нақты сервиске имитиция жасай отырып, кітап сюжетінің қысқаша сипаттамасын жасайды, бірақ кітапты оқу немесе жүктеудің орнына Сізге «арнайы қосымша» деген атаумен вирустық файл жібереді.

Файлды орнату өте ауыр салдарға әкеледі: парольдер мен ақшаларды ұрлау, хат алмасу және фотосуреттерге қол жеткізу, смартфонды қашықтан басқару және жеке деректерді жоғалту.

Бейресми көздерден басқа қосымшаларды орнату жағымсыз салдарларға әкеп соғуы мүмкін.

Кибергигиена ережелерін сақтау және жеке қырағылық осындай қауіп-қатерлерден қорғаудың негізгі шаралары болып қалуда.

Жас оқырмандарымыз «Біздің қосалқы ғаламшарымыз жоқ» тақырыбында өз ойларымен бөлісті. Олар қоршаған ортаны қорғау нені білдіретінін және табиғатты аялаудың қаншалықты маңызды екенін әңгімелеп берді. Балалар өз ойларын шығармашылық түрде жеткізіп, Жер планетасын қорғауға арналған тақырыптық плакат дайындады.

Бұл ойын нағыз білім мен эмоция марафонына айналды. «7-і 1-де» форматы бір кештің ішінде бірден жеті түрлі тақырыпты біріктірді — әр тур өз мінезі мен ырғағы бар шағын ойын іспетті өтті. Аудио, суреттер, мәтіндік сұрақтар және «ойлануға арналған» тапсырмалар ойыншыларды үнемі сергек күйде ұстады.

Кештің басты нәтижесі — жарқын әсер, белсенділік және ойыннан алған шынайы ләззат. Барлық қатысушыларға белсенділігі мен тамаша көңіл күйі үшін алғыс айтамыз!

Ойынның нәтижелері:

1 орын – Биполярность

2 орын - Лютые перчики

3 орын - Культ Мифического Рассвета

Ең үздік орын - STARS

Келесі ойында кездескенше!

Біздің кітапханада QOSTANAI телерадиокомпаниясының журналистері түсірген репортаж осылай аталды. Біз кітапханалық көптеген үдерістердің қалай цифрландырылып, автоматтандырылып жатқанын, сондай-ақ жұмыс барысында жасанды интеллекттің қалай енгізіліп жатқанын баяндадық.

20 қаңтар күні «Қостанай әлеуметтік қызмет көрсету орталығының» тәрбиеленушілері үшін «Қысқы мотив» атты іс-шара өткізілді. Іс-шара қатысушыларды Виталий Бианкидің «Лесные проишествия» жинағына енген «Синичкин календарь» қысқы әдеби ертегісімен таныстыруға бағытталды. Сондай-ақ бұл шара балалардың сөйлеу тілін және қиялын дамытуға ықпал етті. Іс-шара барысында қатысушылар қыс айлары туралы білді, сұрақтарға жауап берді, сонымен қатар «Ассоциациялар», «Сөзді жалғастыр», «Жұмбақты тап» сияқты ойындарға қатысты. Тәрбиеленушілер барлық ойындарға белсенді қатысып, көңіл күйге бөленді. Кездесу ертегі желісі бойынша түсірілген мультфильм көрумен аяқталды.