Ұлттық кітап күніне орай кітапханада ұйымдастырылған іс-шаралар марафонының қорытынды кезеңі XIII облыстық «Сөз құдіреті» мәнерлеп оқу байқауының финалымен аяқталды. Биылғы «Менің сүйікті кітабым!» тақырыбындағы байқау айрықша мазмұнмен ерекшеленіп, қатысушылардың шынайы орындауы, терең сезімі мен көркем сөзді әсерлі жеткізуі арқылы жан-жақты ашылды. Қатысушылардың шынайылығы, мәтінді терең түсінуі және сахналық шеберлігі қазылар алқасының шешім қабылдауында негізгі өлшемдер болды.
Байқау қорытындысы бойынша жүлделі орындар төмендегідей анықталды:
I орын – Сиражиден Сырғалым (Амангелді ауданы)
II орын – Ожар Аяла (Қарабалық ауданы)
III орын – Самарских Вадим (Қарасу ауданы)
Номинациялар:
«Мұра» – Алтай Анель (Мендіқара ауданы)
«Әртістік шеберлік» – Бейсембай Асима (Қостанай қ.)
«Үздік бейне» – Пономарёва Ясмина (Қостанай ауданы)
«Көрермен көзайымы» – Орлова Алиса (Бейімбет Майлин ауданы)
Іс-шараның көркін аша түскен Ольга Янкова мен Ксения Серованың әсерлі әрі жоғары деңгейдегі өнер көрсетулері ерекше атап өтілді.
Іс-шараның ұйымдастырылуына қолдау көрсеткен серіктестер мен демеушілер – «Березка» дүкені, «Азия» сауда үйі және «Пироги да Булки» наубайханасына алғыс білдіреміз.
«Сөз құдіреті» байқауы – бұл тек өнер сайысы ғана емес, кітаптың үнін естіртіп, оқырман жүрегіне жол табатын мәдени алаң.
