Биыл Н. Г. Хлудовтың (1850–1935 жж.) туғанына 175 жыл толып отыр. Николай Гаврилович Хлудов –Қазақстанға 1879 жылы келіп, өмірінің басым бөлігін Жетісу өңірінде өткізген орыс суретшісі, талантты кескіндемеші. Қазақстан суретші үшін шығармашылық шабыттың қайнар көзіне айналды. Елді аралай жүріп, ол табиғаттың әр алуан көріністері мен сұлулығын бейнелеген этюдтер мен суреттерін жасады. Суретшінің шығармашылығында XIX – XX ғасырлар басындағы қазақ халқының дәстүрлі мәдениеті, тұрмысы мен шаруашылығын айшықтайтын туындылар ерекше орын алады.

1 желтоқсанда Ыбырай Алтынсарин атындағы облыстық балалар және жасөспірімдер кітапханасында «Мейірімділік эстафетасы» фестивалі басталды!

Фестиваль аясында «Палитра» үйірмесінің жас суретшілеріне арналған ұжымдық сабақ өткізілді. Балалар «Орман ертегісі» атты суретті гуашь және тұзды қолдану арқылы — қардың ерекше текстурасын беретін әдіспен жасады.

Нәтижесінде өте әдемі әрі сиқырлы жұмыс шықты!

Квизотека:  Классика. Бұл жолы біз ойынымызды өз заманының символына айналған құбылыстарға арнадық: аңызға айналған әуендерге, культтік кейіпкерлерге, тарихи сәттерге, сондай-ақ әлдеқашан өміріміздің бөлшегіне айналған таныс заттар мен құбылыстарға.

Барлық ойыншыға белсенді қатысқандары және көтеріңкі көңіл күй сыйлағандары үшін алғыс айтамыз!

Классика — негіз, ал сіздер оны керемет деңгейде білетіндеріңізді дәлелдедіңіздер!

Келесі «Квизотека» кездесулерінде жолығайық — ол одан да қызықты болады!

Ойынның нәтижелері:

1 орын –  Биполярность

2 орын - Культ Мифического Рассвета

3 орын - Перчики

Ең үздік орын - Дельта - 6

Келесі ойында кездескенше!

Облыстық Ы. Алтынсарин атындағы балалар мен жасөспірімдер кітапханасы 2025 жылдың 1–7 желтоқсан аралығында Халықаралық мүгедектер күніне арналған және Санкт-Петербургтегі зағип және нашар көретін жандарға арналған арнайы кітапхана ұйымдастырған Халықаралық фестиваль аясында өтетін «Мейірімділік эстафетасы» облыстық фестивалін өткізеді.

Фестивальдің негізгі мақсаты – мүмкіндігі шектеулі жандарды қолдау, олардың әлеуметтік ортаға еркін араласуына қолайлы жағдай жасау және кітапхана кеңістігінің барлық санаттағы келушілер үшін қолжетімді екенін көрсету.

Биыл фестивальге Қостанай облысының 85 кітапханасы қосылып, 111 түрлі бағыттағы іс-шара жоспарланып отыр.

Апта бойы кітапханаларда инклюзивті және шығармашылық кездесулер, шеберлік сағаттары, көрмелер, акциялар, экскурсиялық және интерактивті бағдарламалар ұйымдастырылып, олардың барлығы мейірімділік пен өзара түсіністік идеясына біріктірілмек.

#МейірімділікЭстафетасы

Қазақстан Республикасының көрнекті балалар жазушысы Сапарғали Бегалиннің туғанына 130 жыл толуына арналған инфографика.

25 қараша күні «Қостанай әлеуметтік қызмет көрсету орталығының» тәрбиеленушілеріне арналған «Әдеби хайуанаттар бағы» атты іс-шара өтті. Іс-шара барысында орталық тәрбиеленушілері жануарлар туралы білімдерін көрсетіп, интеллектуалдық ойындарға қатысып, жұмбақтар шешіп, басты кейіпкерлері жануарлар болатын ертегілерді еске түсірді. Шара соңында қатысушылар табиғатты қорғаудың және жануарларға қамқорлық жасаудың маңыздылығын тағы бір мәрте атап өтті.

Бүгін шылым шегуге қарсы күрес аясында «Шылым шегу — сән емес, еркін тыныс ал!» атты акция өткізілді. Кітапханашылар ең алдымен жастарға «денсаулық — біздің ең басты байлығымыз» екенін еске салу мақсатында көшеге шықты.

Акцияның басты мақсаты — қала тұрғындарының назарын темекіге тәуелділік мәселесіне және өз денсаулығы мен айналадағы адамдардың денсаулығына қамқор болудың маңыздылығына аудару.

Акция барысында тұрғындарға ақпараттық буклеттер таратылып, шылым шегудің зияны туралы түсіндірілді. Ал болашақ оқырмандарға темекінің зияны туралы кітаптарды таба алатын кітапхана визиткалары берілді.

11 қараша күні №18 мектеп-гимназиясымен бірлесе отырып, 7–8 сынып оқушыларына арналған «Шоқан ізімен» атты танымдық шара өтті. Лекторлар Шоқан Уәлихановтың өмірбаянындағы қызықты деректер мен оның ғылым мен мәдениетке қосқан зор үлесі туралы әңгімеледі. Сонымен қатар жиында 10 «А» сынып оқушысы ұлы ғалымның өмірі мен қызметіне арналған ғылыми баяндамасын және презентациясын таныстырды.

Іс-шара соңында оқушыларға білімдері мен тапқырлықтарын сынға салған интеллектуалдық викторина ұйымдастырылды. Кездесу жылы, достық атмосферада өтіп, қатысушылар жаңа әсер мен тың білім алды.