Квизотека: Классика

Бүгін біз әлемдік мәңгілік хиттерді – әйгілі әуендерден бастап күн сайын кездесетін культтік кейіпкерлер мен брендтерге дейін қаншалықты жақсы білетінімізді тексердік. Әр сұрақ – уақытқа саяхат, әр дұрыс жауап – жаңа эмоция.

Барлық командалар жеңіске деген жігермен, тәуекел мен логиканы ұштастыра отырып, сәттілікті серік етіп соңына дейін күресті. Барлық қатысушыларға жарқын әсерлер мен тамаша атмосфера үшін алғыс айтамыз!

Классика мәңгі, біз де мәңгілікпіз.

Ойынның нәтижелері:

1 орын – Биполярность

2 орын - Культ Мифического Рассвета

3 орын - Чайхана

Ең үздік орын- Спартанцы

Келесі ойында кездескенше!

Ы. Алтынсариннің туған күні қарсаңында № 15 балабақшасының ересектер тобының тәрбиеленушілерімен дауыстап оқу және талқылау шарасы өткізілді. Балалар «Өрмекші, құмырсқа және қарлығаш», «Жануарлардың дауы», «Жаман жолдас» сияқты шығармалармен танысып, олардың мазмұнын талқылады. Әңгіме барысында бүлдіршіндер Ы. Алтынсариннің ертегілері әділдік пен адалдыққа, үлкендерді құрметтеуге, әлсіздерге көмектесуге және ренжігендерді қорғауға үйрететінін түсінді.

Романның сюжеті бойынша, басты кейіпкер — коммерциялық суретші — кенеттен өмірін түбегейлі өзгертеді. Ол өзін жоғалтып бара жатқанын сезініп, тапсырыспен портрет салудан бас тартады. Таудың басындағы ескі үйге оңашаланып, ол өткенін қайта ой елегінен өткізіп, өз бойынан шынайы суретшіні табуға тырысады.

Романды жазу барысында Харуки Мураками қатаң күн тәртібін ұстанған: ол таң сәріден тұрып, таңертеңгі уақытын жаңа тарау жазуға арнаған, ал түстен кейін 10 шақырым жүгірген. Ақырында, Муракамидің айтуынша, жазу мен жүгіру бір-бірінен ажырамас ұғымдарға айналып, өзіндік медитация түріне айналады.

Қостанай құрылыс колледжінің 1-курс студенттері үшін Жастар кітабы күні қайта өткізілді.
«Әдеби жанрлар» атты көрмеде студенттер әдебиет әлемінің алуан түрлілігімен: шынайы прозадан бастап қызықты фэнтези жанрына дейін танысты.
Көрмеге қойылған кітаптарды кітапханашылар оқырмандардың тәжірибесіне қарай — жаңадан оқи бастағандардан бастап, тәжірибелі оқырмандарға дейін іріктеп ұсынды. Көрмеден кейін студенттер «Квизотека» атты ойынға қатысып, әдебиет саласындағы білімдерін сынап, кітаптар әлемінен күтпеген қызықты деректерді білді.

2 қараша — қазақтың көрнекті ағартушысы Ыбырай Алтынсариннің туған күні. Осы атаулы күнге орай Ы.Алтынсарин атындағы облыстық балалар мен жасөспірімдер кітапханасының қызметкері Бибігүл Латыпова облыстық телеарнадағы «Өмір ағымы» бағдарламасына қатысып, Ұлы ұстаздың өмірі мен шығармашылығына арналған кітаптар туралы әңгімеледі.

Пайдаланушылар осы датаға арналған алдағы іс-шаралар топтамасы туралы, сонымен қатар кітапханада өтіп жатқан «Ұлы ұстаз ұлағаты» атты кітап көрмесі
жайлы ақпарат берілді.

Іс-шараның мақсаты – ұлы жерлесімізді есте сақтау және өскелең ұрпақты білім мен оқуға деген сүйіспеншілікке баулу.

Бүгін біз «Қазақстан темір жолы» ұлттық компаниясы» акционерлік қоғамында қонақтамыз. Бұл — Қазақстандағы магистральдық теміржол желісінің ең ірі операторы. Елдің жүйе құраушы көлік компаниясы ретінде ҚТЖ тұтынушыларға қауіпсіз тасымалдау қызметтерін ұсынып, қоғамға пайда әкелуде.

Сіз теміржол саласында неше жылдан бері жұмыс істейсіз және бұл салаға қалай келдіңіз? Машинистің бір күндік жұмысы қалай өтеді? Сіздің жұмысыңыздағы ең қиын әрі ең қызықты тұстары қандай?

Міне, бұл – «Қазақстан темір жолы» ұлттық компаниясының машинист-нұсқаушысы Вадим Садаевпен болған сұхбаттағы бірнеше тақырып қана.

Біз «Қазақстан темір жолы» ұлттық компаниясымен таныстықты жалғастырамыз. Бүгін біздің сұрақтарымызға кадрлар бөлімінің бастығы Сания Байсалбаева жауап береді. Ол «Қазақстан темір жолы» жүйесінде қашаннан бері жұмыс істейді және оны кадр саласына не әкелді? Неліктен HR мамандығы ҚТЖ сияқты ірі компанияда ең маңызды мамандықтардың бірі болып саналады?

Бүгінде теміржол саласында қандай жұмысшы мамандықтарға сұраныс жоғары? Осы және басқа да тақырыптар туралы осы шығарылымда талқылаймыз.

24 қазан күні Әлихан Бөкейхан атындағы жалпы білім беретін мектебінің 4 сынып оқушылары үшін Қазақстан Республикасы күніне арналған іс-шара өтті — бұл еліміздің тәуелсіздікке бастау болған маңызды тарихи күндерінің бірі. Іс-шара барысында оқушылар ақпараттық викторинаға белсене қатысып, Қазақстанның өткені туралы сұрақтарға жауап берді, мерекенің маңызы мен тәуелсіз мемлекеттің қалыптасу кезеңдері жайында мол мағлұмат алды. Іс-шара ел бірлігі мен отансүйгіштік сезімге толы атмосферада өтіп, патриоттық ән орындалуымен аяқталды.

Дәл 1990 жылдың 25 қазанынан бастап дәстүрді, еңбекқорлықты және халықтар достығын қадірлейтін тәуелсіз Қазақстанның тарихы басталды.

№19 мектептің 8-сынып оқушылары үшін Қазақстан тақырыбына арналған ойын ұйымдастырылды. Онда олар Қазақстанның тарихы, дәстүрлері және еліміздің дамуы мен өркендеуіне зор үлес қосқан тұлғалар туралы білімдерін көрсетті.

Оқушылар үлкен қызығушылықпен еліміздің тарихына қатысты сұрақтарға жауап беріп, Отан туралы көптеген жаңа мағлұмат алды. Тапсырмаларды орындау барысында олар туған өлке жайлы өлеңдер шығарып, қазақ халқының дәстүрлерін көрсетті. Іс-шара соңында «Менің өлкем – менің Отаным» атты кітап көрмесіндегі еңбектер таныстырылды.