Балалар кітабы апталығы: екінші күн

Бүгін балалар теңіз қарақшыларымен бірге Оқу аралына тап болды. Бұл арал картада көрсетілмеген, себебі мұнда көп кітап оқыған балалар ғана тап болады.

Картаға сәйкес, аралда қазына жасырылған, бірақ, оған жету үшін саяхатшыларға Поэзия айлағына еніп, Ғажайып өзенді бағындырып, тауға өрмелеп, Ертегілер үңгіріне тап болу керек болды. Сондай-ақ, саяхаттың әр кезеңінде балалар кітабы мен ертегілерінің кейіпкерлерімен кездесу күтіп тұрды.

Поэзия айлағында жұмбақтар шешті, ұйқастар құрастырып, өлеңдер оқыды. Ғажайып өзенді өтерде балалар Гулливер, Барон Мюнхгаузен, Питер Пэн сияқты кітап кейіпкерлерін еске түсірді. Тауға шығарда ертегі кейіпкерлерінің хаттарын оқыды, «Ертегілерде қонақта» викторина сұрақтарына жауап берді. Барлық кедергілерді бағындырған балалар, Ертегілер үңгірінен теңіз қарақшыларымен бірге қазынаны тауып алды.

«Қазына — бұл тек қана алтын мен гауһар тастар емес… Ең басты қазына — бұл кітаптар! Себебі, кітаптан көптеген қызықты оқиғаларды білуге болады», - міне, нағыз шындық. Әрбір қатысушы тәтті сыйлықтарға ие болды, сонымен қатар, біздің кітапханамыздан алып оқуға болатын теңіз қарақшылары туралы кітаптар тізімі де берілді.

Фото

26 наурыздан бастап «қарақшылық» Балалар кітабы апталығы басталды.

Біздің «Құпия аралға» кенеттен капитан Сильвер, қарақша Джон және тотықұс Флинт келіп қалды. Олар залда отырғандардың бәрін кеме бортына салып аламыз деп шешті, бірақ барлығы бірге қазына іздеуге шығу үшін жаңа экипаж дайындау қажет болды. Алдымен, теңіз қарақшылары кодексінің ізімен балалар ант берді, осыдан кейін барып оларды қарақшылар қатарына алды. Содан соң командаға нағыз сынақ берілді. Барлық экипажға күшті теңіз дауылына төтеп беруге тура келді, тату әрі көңілді команда болу үшін, кеменің өзін іздеп тауып, қарақшыны әрі қарайғы жүзуіне жабдықтау үшін күш біріктірді.

Балалар кітабы апталығының алғашқы күні барлық мерекеге қатысушылармен бірге караоке арқылы «Капитан» әнін орындаумен аяқталды.

25 кітап қойылған кітап көрмесі іс-шараны толықтырып тұрды.

Фото

Әшекей - киімді, тұрмыстық бұйымдарды безендіруге пайдаланылатын, сәндік үшін жасалынатын бұйымдар және зат, бұйымның бетіне салынатын ою-өрнек, түрлі нақыштар. Әшекейді әртүрлі материалдардан жасауға болады. Ертеде қыз-келіншектер алтын, күмістен жасалған әшекейлер тақса, қазіргі технологияның дамыған кезеңінде әртүрлі материалдардан жасалған әшекейлерді кездестіруге болады.

Біздің кітапханамыздың өнер жөніндегі әдебиеттер бөлімінде „Қазақ әшекейлерінің сакралды мәні„ іс-шарасында фетрден әшекей бұйымдар жасап үйрену үшін ҚМПУ „Бастауыш білім беру әдістемесі„ факультетінің 3 курс студенттері келді. Іс-шара барысында кітапханашы фетрден ұлттық нақыштағы қамзол, алқа, білезік, шашбау жасау тәсілдеріне кеңінен тоқталып өтті. Соның ішінде қыздардың қалауымен, шашбауды тәжірибе жүзінде жасап шықты. Шашбау - қыз баланың шашымен қоса өрілген моншақты, зерлі, күміс шынжырлы әсемдік бұйым. Ертеде қыз баланың келе жатқанын шашбауының сыңғырынан алыстан білген. Қатысушы қыздар ойып жасаған бұйымдарын әсем тастармен, моншақтармен безендірді. Келесі келгенде қыздар қамзол жасап үйренеміз деген тілекпен тарқасты.

Фото

«Көктем келді, балақай,
Жасарды жер, алақай.
Наурыз тойын тойлайық,
Әсем әнге салайық.»

- осындай шуақты күндей нұрын шашқан өлең шумақтарымен Наурыз мерекесі қарсаңында 15 наурызда мектеп жасына дейінгі балалар мен 1-6 сынып оқушыларына қызмет көрсету бөлімінде «Наурыздуман» ойын-сауық композициясы басталды. Осы жерде «Әлеуметтік қызмет көрсету жөніндегі аймақтық орталық» МКҚК тәрбиеленушілерін қарсы алды.

Іс-шараның жарқын элементтері болғандар: бізге ежелден келе жатқан қызғалдық туралы аңыз; көктем мерекесіне арналған бейнероликтер; сондай-ақ, қонақтарға қазақ халқының салт-дәстүрлері әлеміне сүңгуге мүмкіндік беретін викторина. Кездесуіміздің соңында балалар «Көтерме» ұлттық ойынына аса қызығушылықпен қатысты.

Наурызды қарсы алу барлық қатысушыларға сан алуан көктемгі көңіл-күй сыйлай отырып, жағымды эмоциямен қуаттандырды. Іс-шараға ерекше сән беріп, толықтырып тұрған қазақ халқының тұрмыс-салтынан көрініс табатын бұйымдармен безендірілген кітап көрмесі болды.

Фото

Елбасымыздың «Рухани жаңғыру» бағдарламасы аясында, ұлттық қолөнерді насихаттау мақсатында «Ою ойғанның ойы ұшқыр» атты үйірмесінің қатысушы шебер қыздары заманауи стилінде жасаған бұйымдарының шағын сән үлгісін зор мақтанышпен көрсетті. Шебер қыздардың сәндік көрсетілімін Қазақстан - Қостанай телеарнасынан алдағы жетіде тамашалай аласыздар. Ұлттық нақышта жасалған сәнді бұйымдарды үйірме қатысушыларына және кез келген осы шебер түрін үйренемін дегендер үшін қашанда көмектесуге дайынбыз.Ата- бабадан қалған ұлттық қөлөнерді дамытып,бүгінгі заманымызға сай зерделі, ой-өрісі жоғары, жан-жақты дамыған ұрпақ қалыптастыруда бірге болайық.

Фото

Ерте, ерте, ертеде, мың жылдықтар бұрын, жер бетінде алғашқы адамдар өмір сүріп жатқан кезеңде, бір күні біреу қолына саз-балшықты алады да, оның жұмсақ әрі көнгіш екенін байқайды. Не істегің келсе соны жаса. Содан ол адам құмыра жасап шығады.

Осылайша есте жоқ ескі заманда саз-балшықтан жасалған тұрмысқа қажетті заттар пайда болған. Ал дарынды шеберлердің қолдарынан шыққан қарапайым заттар нағыз сәндік-қолданбалы өнерге айналды.

Ал егер өзіміз саз-балшықты алып, осындай шеберге айналсақ ше? Қаласаңыз, ойыншық немесе қабырға панносын жасауға болады. Бірақ, саз-балшықтан пішіндер жасаудың қызықты тәсілі көзеші дөңгелегімен жұмыс болып табылады.

Осы жұмыстың қыр-сырымен таныстыруға А. И. Никифоров ат. Балалар көркемсурет мектебінің оқытушысы Наталья Михайловна Герасимова келісім берді. Әрине біздің дөңгелегіміз кәсіби емес, бірақ жұмыстың негізгі сәттерін қарауға мүмкіндігіміз болды. Біз — бұл өнер бөлімінің кітапханашылары, №1 ОМ 3 „Д„ сынып оқушылары және болашақ бастауыш сынып мұғалімдері - ҚМПУ «Бастауыш білім беру әдістемесі» бөлімінің 3 курс студенттері.

Ал егер сіз мұның бәрін көрмесеңіз, бізде, өнер жөніндегі әдебиеттер бөлімінде қашан да көзе кәсібін үйренуге көмектесетін кітаптар мен журналдар табылады («Юный художник», «Народное творчество», «Деко»). Қалғанының барлығы сіздің қиял ұшқырлығыңыз бен еңбекқорлығыңызға байланысты. Саз-балшықпен жұмысқа кіріспес бұрын, орыс халқының «Құмыраларды құдай емес, шеберлер күйдіреді» деген мақалын есіңізге алыңыз.

Сонымен қатар, саз-балшықтан жасалған керемет дүниелердің көрмесін көру мүмкіндігіңіз бар, асығыңыз. Ол 20 наурызға дейін жұмыс істейді.

Фото

Мамандық таңдау бойынша дәрістер топтамасы аясында кітапханада «Мамандықтар әліпбиі» іс-шарасы өткізілді.

Конфуций бұрын айтып кеткен: «Өзіңнің жаныңа жақын жұмыс таңда, сонда сен ешқашан жұмыс істемейсің». Әрбір жас адам өзінің таңдау жолында тұрады, болашақта кім болатыны туралы армандайды. Оған кітапхана мамандары көмектесе алады, біз, мысалы, «Сорос Казахстан» қоры басып шығарған «Путеводитель по профессиям» кітабын оқуға кеңес береміз.

А.Байтұрсынов атындағы ҚМУ гуманитарлық-әлеуметтік факультеті кафедрасының шет тілдері филологиясының 3 курс студенті Гаухар Бекбосынова сияқты табысты адамдармен кездесу ұйымдастыру маңызды. Ол №115 ОМ 9 сынып оқушыларына Чехияның Брно қаласындағы оқуы қалай өткендігі туралы айтып берді.

Оқушылар шетелге оқуға қалай түсуге болатыны, Чехияда оқу үшін чех тілін білу керек пе деген сияқты сұрақтарға қызығушылық танытты.

Кездесу соңында кітапханашы «Еңбек нарығындағы жаңа мамандықтар» сөздік-буклетімен таныстырды, оқушылар болашақта сұранысқа ие мамандықтар туралы білді.

Фото

Қазақ киносындағы әйел-жұлдыздарын еске алсақ, біздің көз алдымызға ең алдымен Әмина апайымыздың жарқын да ашық бейнесі келеді.

Әмина Өмірзақованың кейіпкерлері — көбіне қайырымды, сүйкімді, жұмсақ мінезді әйелдерді сомдаған. Ол кеңестік пен қазақстандық кино және театр актрисасы.

Табиғатынан ширақ, ойын ашық білдіре алатын Әмина Өмірзақова қызығы, өзінің 8 наурызда дүниеге келгенін де қандай да бір сәйкестік десейші.

Сондықтан Өнер бөлімінде «Әзиз ана - Әмина» атты киносағатымызға КГПУ-нің педагогика және психология факультетінің 1,3 курс студенттері Әмина Өмірзақованың өмірбаянын баяндайтын кысқа метражды деректі фильмінен үзіндіні тамашалап, ғұмырнамалық деректі хикаятты кітаптары және альбомдарымен танысты.

Фото

6 наурызда мектепке дейінгі балалар және МАД, 1-6 сынып оқушыларына қызмет көрсету бөлімінде «Ал, біз ханшайым емеспіз бе?!» байқау бағдарламасы өткізілді. Мереке 8 наурыз халықаралық әйелдер күніне арналды. Байқау бағдарламасына №14 мектептің МАД оқушылары қатысты. Қатысушылардың өздерін әртүрлі байқауда көрсетуге мүмкіндіктері болды: «Аспаздық», «Ең ерекше шаш үлгісі», «Пысық бикеш», «Гүл шоғын жаса» және тағы басқа.

Фото