Бүгін кітапхана идеялар, қиял мен кітаптар кеңістігіне айналды!

Біз «Әдеби көкжиектер» ұранымен Жасөспірімдер кітабы күнін атап өттік — және бұл күн шын мәнінде қиялға толы ерекше сәтке айналды! Қатысушылар өздерін оқырман, зерттеуші және нағыз жазушы рөлдерінде сынап көрді.

Жасөспірімдер «Квизотека» ойынына қатысып, әдебиет саласындағы білімдерін сынады және кітап әлемінен күтпеген қызықты деректермен танысты.

«Әдеби жанрлар» көрмесінде балалар әдебиет әлемінің сан алуандығына көз жеткізді: шынайы прозадан бастап, тартымды фэнтези жанрына дейін. Кітапханашылар көрмеге кітаптарды оқырман тәжірибесіне сай, яғни жаңадан оқуды бастағандардан бастап тәжірибелі оқырмандарға дейін іріктеп ұсынды.

Ең шығармашыл кезең — барлық қатысушыларды біріктірген «Сюжеттің соңынан ұстап ал» ойыны болды! Командалар өз кейіпкерлерін ойлап тауып, ортақ әңгіменің тарауларын жазды, ал финалды бәрі бірге ойластырды. Нәтижесінде шынайы қиялға толы әрі өте мейірімді ұжымдық роман дүниеге келді.

Бұл күн әдебиеттің адамдарды біріктіретінін, шабыттандыратынын және арманға жетелейтінін дәлелдеді. Жасөспірімдер тек жаңа ақпарат алып қана қоймай, сонымен қатар қиялдарын, әзіл сезімдерін және командамен жұмыс істеу дағдыларын көрсетті.

Квизотека: Тәуекелге Барыңыз

Кім тәуекелге бармайды-ол жеңе алмайды! Квизотекада біз батылдық пен әзіл сезімі кейде энциклопедиялық БІЛІМНЕН маңыздырақ екенін дәлелдедік. Мүмкіндіктер болды, қателіктер болды-бірақ керемет болды!

Барлық қатысушыларға энергия, эмоциялар және шынайы толқулар үшін рахмет.

Ойынның негізгі нәтижелері:

1 орын - Спарта

2 орын - Чайхана

3 орын - Лютые качупатки

Ең жақсы орын - Дэльта-6

Жаңа Квизотекаларда кездескенге дейін!

2025 жылдың 14–19 қазан аралығында Мәскеу қаласында «Кітапханалар ынтымақтастығы: білім мен мәдениет кеңістігі» атты халықаралық жоба өтті. Жоба ТМД елдеріндегі кітапхана ісін дамытуға және мамандар арасындағы кәсіби байланыстарды нығайтуға бағытталған ауқымды білім беру және мәдени бағдарлама болды. Іс-шараға 8 елдің кітапхана өкілдері қатысты. Жобаға Ы. Алтынсарин атындағы облыстық балалар және жасөспірімдер кітапханасы атынан әдіскер Шалгимбаева Шынар Тулегеновна қатысты.

14 қазан күні ғылыми-танымдық әдебиет бөлімінде Қостанай гуманитарлық колледжінің 1-курс студенттерінің қатысуымен жазушы Тәкен Әлімқұловты еске алуға арналған «Бір ел – бір кітап» акциясы аясында әдеби вернисаж өтті.

Іс-шара барысында студенттер жазушының «Шымкентім», «Көкшетау», «Ел толғауы» және басқа да танымал шығармаларын мәнерлеп оқыды. Шараға арнап кітап көрмесі безендіріліп, жазушы туралы бейнеролик көрсетілді.

Шараға қатысушылар Тәкен Әлімқұловтың қазақтың көрнекті ақыны, халық жазушысы, әдебиет сыншысы екенін білді. Оның мол әдеби мұрасы жас ұрпақты шабыттандырып, қазақ әдебиетінің дамуына зор ықпал етіп келеді.

Достар! Ы. Алтынсарин атындағы облыстық балалар мен жасөспірімдер кітапханасы және «Әділ көмек» Қоғамдық қоры сіздерді «Табиғаттағы мейірім айналымы» акциясының бір бөлігі болуға шақырады!              

Акция 1 қазаннан 1 желтоқсанға дейін өтеді.

Барлығы өте оңай:

• көрмеден кітаптарды таңдаңыз
• оқыңыз
• пікір-парақты толтырыңыз
• оны кітапханада орнатылған арнайы жәшіктерге салыңыз.

Әрбір оқылған кітап – бұл ұпай, ал әрбір ұпай – жануарларға арналған азыққа жұмсалатын қаражат!                                                                                           Акция соңында барлық ұпай теңгеге айналдырылады, әрі біз қормен бірге жануарлар панасына қолдау мен қамқорлық сыйлаймыз.

Кітап оқыңыз және жануарларға көмектесіңіз!

Сіздің оқуыңыз – мейірімге айналады, ал мейірім – әлемге қайта оралады!

Бізбен бірге мейірім айналымын іске қосыңыз, «Табиғаттағы мейірім айналымы» акциясына қосылыңыз!

#ТабиғаттағыМейірімАйналымы #ОқимызЖәнеКөмектесеміз #ЖақсылықҮшінОқу

9 қазан күні Өнер әдебиеті бөлімінде №19 орта мектептің 8-сынып оқушылары үшін «Өз қолыңмен арт-стикер жасау» атты шеберлік сабағы өтті. Шеберлік сабағын Қостанай облысы әкімдігі білім басқармасының «А. И. Никифоров атындағы көркемсурет мектебі» КМКҚ-ның бейнелеу өнері пәні мұғалімі Олексюк Нина Сергеевна өткізді. Стикерлер — бұл сәндік, ақпараттық немесе графикалық бейнелер түрінде жасалатын жапсырмалар. Мұндай стикерлерді өз қолыңмен де жасауға болатынын білдіңіз бе? Біздің қолымыздан не шыққанын қараңыздаршы.

 «Құқықтық дәрісханасы» циклының алғашқы шығарылымы бүгінгі таңда аса өзекті тақырыптардың бірі Қазақстан Республикасындағы алимент өндіріп алу мәселесіне арналды. Қостанай қаласындағы «ЧелМУ» Қостанай филиалының құқық кафедрасының студенттері ең жиі қойылатын: алимент өндіру туралы талап арызбен қай сотқа жүгіну қажет; алимент қандай мөлшерде өндіріледі; сотқа жүгінгенде мемлекеттік баж салығын төлеу қажет пе деген сұрақтарға жауап береді. Бейнебаян Ы. Алтынсарин атындағы облыстық балалар мен жасөспірімдер кітапханасы мен ЧелМУ-нің Қостанай филиалының бірлескен жобасы аясында дайындалды. #Юридическийлекторий#БиблиотекаАлтынсарина#ЧелГУ#Юридическая клиника#ПравовоеПросвещение #Алименты #заң_мен_тәртіп #закон_и_порядок 

Кітапханаға алғаш рет келу – бірінші сынып оқушылары үшін ерекше маңызды оқиға. Бүгін бізге №30 орта мектептің 1-сынып оқушылары қонаққа келді. Балалар кітаптар әлеміне қызықты саяхат жасап, кітапхананы пайдалану ережелерімен танысты. Ақпаратты тыңдап болған соң, кішкентай оқырмандар қуана жұмбақтар шешіп, викторина сұрақтарына жауап беріп, түрлі сайыстар мен ойындарға қатысты. Іс-шара соңында балаларға кітаптар әлемінде жаңа ашылулар мен қызықты оқиғалар көп болсын деген тілек айтылды.