Кітапханада оқушыларды өнер әлемімен және қаламыздың шығармашыл жандарымен таныстыруға бағытталған «Шығармашылықтан шабыт алған» жобасы өз жұмысын бастады. Жоба аясындағы алғашқы іс-шара «Саздан жасалған ғажайып» атты кездесу болды. Іс-шара аясында №17 орта мектеп оқушылары «У Малики» деп аталатын қыш шеберханасына барды. Қатысушылар сазбен жұмыс істеу тәсілдерімен танысып, бір ортақ бұйымды бірлесе жасауға атсалысты. Жоба алдағы уақытта өнердің түрлі бағыттарын ашатын және қала шеберлерімен таныстыратын іс-шаралар легімен жалғасын табады.

#ШығармашылықтанШабытАлған #СазҒажайыбы #ОШ17 #Кітапхана #МәдениЖобалар

ВИДЕО

Қазақтың ұлттық киімі — ғасырлар бойы қалыптасқан өнер туындысы. Ол тұрмыстық қажеттілік қана емес, адамның жасын, жынысын, әлеуметтік мәртебесін және қай өңірден екенін айқындайтын маңызды мәдени код болды.
Ұлттық киімді қастерлеу — өз тамырына деген құрмет. Себебі ұлттық киімді киген адам өз халқының рухын сезініп, өткен мен бүгінді жалғайтын көзге көрінбейтін байланысты сақтайды. Өз киіміміздің мәнін, ою-өрнектердің тарихын білсек, халқымыздың рухани байлығы мәңгі жасай бермек.

Б. Момышұлы атындағы мектеп-гимназияның 3-сынып оқушыларына Алғыс айту күніне арналған «Бейбітшілік пен келісім — біздің алғысымыз» атты танымдық бағдарлама өткізілді. Іс-шара барысында оқушылар мерекенің тарихы туралы білімдерін бекітіп, бейбітшілік, келісім және өзара құрметтің маңызын талқылады, тақырыптық тапсырмаларға қатысып, бейнематериал тамашалады. Іс-шара қарым-қатынас мәдениетін қалыптастыруға, бір-біріне құрметпен қарауға және алғыс айта білу дағдыларын дамытуға ықпал етті.

Пьер-Огюст Ренуар (1841–1919) — тек бақытты бейнелеген суретші. Им-прессионизмнің жетекші шеберлерінің бірі, XIX ғасырдың екінші жартысы мен XX ғасырдың басында шығармашылықпен айналысқан. Ол еңбек жолын фарфор бұйымдарын әшекейлеуден бастап, өмірдің жа-рығын, жылуын және қуанышын суреттеген қылқалам шеберіне айналды. Ренуар шынайы өнердің мәні — бақытты көре білу және оны өзгелермен бөлісу екендігін дәлелдеді.

1 наурызда Қазақстанда Алғыс айту күні атап өтіледі — бұл мейірімділік, достық пен құрмет мерекесі. Бұл күн Қазақстан халқы Ассамблеясының құрылуына орай белгіленіп, елдегі барлық этностардың бірлігі мен татулығын білдіреді. Осы мерекеде әртүрлі ұлт өкілдері қиын-қыстау кезеңдерде көрсеткен қонақжайлылығы мен қолдауы үшін қазақ халқына алғысын білдіреді. Мереке қарсаңында «Қостанай әлеуметтік қызмет көрсету орталығы» үшін «Бейбітшілік пен келісім — біздің алғысымыз» атты іс-шара өтті. Қатысушылар Алғыс айту күнінің тарихы мен маңызы, сондай-ақ оның қоғамдағы келісімді нығайтудағы рөлі туралы мағлұмат алды. Тәрбиеленушілер үшін ұжымды біріктіруге арналған ойындар мен алғыс сезімін, бір-біріне деген құрметті дамытуға бағытталған «Мен алғыс айтамын…» тренингі өткізілді. Сондай-ақ ізгі істерді бағалаудың және сол үшін алғыс айтудың маңыздылығы туралы әңгіме оқылып, мультфильм көрсетілді. Іс-шара өзара түсіністік, бірлік пен құрмет атмосферасын қалыптастыруға ықпал етті.

Бұл ойын логикаға, ұсақ-түйекке мұқият назар аударуға және командалық дедукцияға негізделді. Қатысушылар айғақтарды шешіп, суреттерді мұқият қарап, жасырын белгілерді тауып, кейде күтпеген, бірақ дәл болжамдар жасады.

Жеңімпаз команда детектив үшін ең маңызды қасиеттер — зейін мен салқынқандылық екенін көрсете білді.

Ойынға қатысып, бізбен бірге осы зияткерлік сапардан өткен баршаңызға рақмет!

Ойынның нәтижелері:

1 орын – АДД Птахи

2 орын - ХЭОТЭ

3 орын -Биполярность

Ең үздік орын- Stars

Келесі ойында кездескенше!

20 ақпанда ғылыми-көпшілік әдебиеттер бөлімінде 7-сынып оқушылары арасында ағылшын тілінен «The best of the best» қалалық турнирінің финалы өтті. Іс-шара екі команда — №18 және №19 мектеп оқушылары арасында «Своя игра» форматындағы теледидарлық-интеллектуалдық ойын түрінде ұйымдастырылды. Ойынның тақырыбы — Англия және осы елге қатысты мәліметтер. Турнир бес санаттан тұрды: «Ұлыбританияға саяхат», «Мерекелер», «Танымал тұлғалар», «Әдебиет», «Грамматика». Әр санатта ұпай саны әртүрлі бес сұрақ ұсынылды. Сұрақтың күрделілігіне қарай берілетін ұпай саны да артты.

Ойын оқушылардың қызығушылығын бірден оятып, белсенді қатысуына ықпал етті. Командалар арасында бәсекелестік, қызығушылық пен тартыс байқалғанымен, іс-шара достық және жағымды атмосферада өтті.

Кәукен Кенжетаевтың 110 жылдық мерейтойына орай кітапханамызда тағылымды іс-шара өткізілді . Қазақтың көрнекті өнер қайраткері, халық жадында өшпес із қалдырған Кәукен Кенжетаев шығармашылығы кеңінен насихатталып, өмір жолы мен өнердегі жетістіктері жайында мазмұнды мәліметтер берілді.

Іс-шара барысында оқырмандарға арнайы кітап көрмесі таныстырылып, актердің рухани мұрасы, қазақ мәдениетіне қосқан үлесі туралы әсерлі әңгіме өрбіді. Қатысушылар естеліктерімен бөлісіп, өнер иесінің шығармаларын еске алды.

Мұндай тағылымды шаралар жас ұрпақтың ұлттық өнерге деген қызығушылығын арттырып, рухани құндылықтарды дәріптеуге үлкен үлес қосады.