23 қыркүйек – Қырғыз Республикасының Мемлекеттік тіл күнінде Ыбырай Алтынсарин атындағы облыстық балалар мен жасөспірімдер кітапханасында Токтогул Сатылганов атындағы Ош облыстық кітапханасымен халықаралық онлайн-көпір өтті. Іс-шара Қостанай қалалық Достық үйімен бірлесіп ұйымдастырылды.

Кездесудің құрметті қонақтары Қостанай облысындағы қырғыз қауымдастығының өкілдері болды. Олар қатысушыларды өз отандарының бай мәдени мұрасымен таныстырып, Қырғызстанның бірегей үйлену тойы салт-дәстүрлері туралы кеңінен әңгімелеп берді.

Мәдениеттер диалогына А. Байтұрсынов атындағы Қостанай өңірлік университетінің журналистика кафедрасының студенттері белсенді қатысты. Болашақ медиа мамандары этнографиялық дәстүрлер мен мәдениетаралық өзара іс-қимылдың қыр-сырын біліп қана қоймай, халықаралық кездесудің маңызды сәттерін де таспаға түсіріп үлгерді.

Онлайн-кездесу Қазақстан мен Қырғызстанның кітапханалары мен жастары арасындағы достық байланыстарды, мәдени алмасуды және кәсіби ынтымақтастықты нығайту жолындағы тағы бір қадам болды.

Жапонияда Гэнки Кавамураның есімі әдебиеттегі дебютінен әлдеқайда бұрын танымал болды. 2001 жылы, ол небәрі 21 жаста болған кезде, елдегі ең ірі кино компаниясы - Toho-ға жұмысқа келді. Продюсерлік қызметінде бәрі сәтті қалыптасты. Оған жазушылыққа келуге себеп болған жағдай кездейсоқ туындады. Ол күнделікті өмірде үйреншікті заттар біртіндеп жоғалып кететін әлем туралы оқиға ойлап тапты да, мұндай дүниені кино арқылы жеткізу мүмкін емес екенін түсінді. «Мысықсыз әлемді экранда көрсету өте қиын. Сондықтан мен жаза бастадым. Мен фильмде көрсету мүмкін емес дүниені жасағым келді». 

Квизотека» интеллект-аренасы

Квизотека: Күзгі классика

«Квизотеканың» жаңа маусымындағы алғашқы ойын бізге мол эмоция, қызықты бәсеке және жылы атмосфера сыйлады. Осы кешті бізбен бірге өткізіп, алғашқы минуттан соңғы сәтке дейін интеллектуалды додаға белсене қатысқан баршаңызға рақмет!

Барлық командаларға, ерекше серпін, күлкілеріңіз және бір-біріңізге көрсеткен керемет қолдауларыңыз үшін алғыс білдіреміз!

Ойынның нәтижелері:

1 орын – Хейтеры Зелёного

2 орын - Биполярность

3 орын - НБП

Ең үздік орын- ДОС

Келесі ойында кездескенше!

«Денсаулықтың керемет әліппесі»«БиблиоКids» үйірмесінің кезекті сабағында біз балалармен ең маңызды нәрсе — денсаулық, жақсы көңіл-күй және күн сайын өзіңе күтім жасауға көмектесетін қарапайым әдеттер туралы сөйлестік. Қатысушылар адам ағзасы, денсаулық, спорт, тамақтану, гигиена және эмоциялар туралы танымдық кітаптармен және энциклопедиялармен танысты. Командада жұмыс істей отырып, балалар бір сәтке нағыз «кітап детективтеріне» айналды. Оларға кітаптардан қызықты дерек, пайдалы кеңес және бірге талқылағысы келетін сұрақ табу тапсырылды. Мұндай формат жаңа нәрсені біліп қана қоймай, сонымен қатар өз әдеттерің туралы ой елегінен өткізуге де көмектесті.Кездесу соңында әркім өзіне кішігірім уәде таңдады — бұл алдағы аптаны сәл де болса пайдалырақ әрі жағымдырақ етуге көмектесетін қарапайым әрекет.

«Кішкентай ханзада» бізге ең маңызды нәрселердің көзден таса, жүректің түкпірінде жататынын еске салады. Ал сіз үшін шынымен маңызды не? 

Ыбырай Алтынсарин атындағы ОБЖК «Алау» ТРК-мен бірлесіп «Не оқуға болады?» атты жобаны дайындады.

Кітапханамызда 7-сынып оқушыларына арналған әдеби саяхат ұйымдастырылды. Шара биылғы «Бір ел – бір кітап» республикалық акциясының символы атанған Қазақстанның халық жазушысы Қабдеш Жұмаділовтің өмір жолы мен шығармашылығына арналды.
Кездесу дәстүрлі емес интерактивті форматта өтті, онда жетінші сынып оқушылары жай ғана тыңдаушы емес, үдерістің белсенді қатысушылары болды. Оқушылар автордың өмірбаянымен және жарқын шығармаларымен танысып, оның әдеби мұрасының атмосферасына енді. Шығармашылық зертханада мектеп оқушылары қызықты импровизациялық тапсырмаларды орындай отырып, өздерін нағыз жазушы ретінде сынап көрді. Шығармашылық зертханада оқушылар қызықты импровизациялық тапсырмаларды орындай отырып, өздерін нағыз жазушылар ретінде сынап көрді. Топтарға бөлінген қатысушылар бірлескен тапсырмаларды орындап, талдау және командалық жұмыс дағдыларын дамытты. ал алған білімдерін бекітуге әдеби викторина көмектесті, онда балалар өздерінің білімпаздығы мен зейінділігін көрсете білді.

Іс-шара оқушыларға қазақ әдебиеті туралы жаңа білім беріп қана қоймай, командалық шығармашылықтан жарқын әсер сыйлады.

«Қостанай әлеуметтік қызмет көрсету орталығының» тәрбиеленушілері үшін Отбасы күніне орай «Отбасылық құпиялар» атты әдеби микс өткізілді. Кездесу барысында балалар отбасы мен шаңырақтың маңызы туралы әңгімелесіп, жақындар арасындағы өзара түсіністік, қамқорлық пен сыйластықтың маңыздылығын талқылады. Қатысушылар мақал-мәтелдерді еске түсіріп, туыстар туралы жұмбақтар шешті, интерактивті байқауларға қатысып, көңілді жаттығулар жасады. Іс-шара соңында балалар назар аудару, мейірімділік пен сыйластық қарым-қатынас отбасындағы жылулық пен өзара түсіністікті сақтауға көмектесетіні туралы ортақ пікірге келді.

Оқу жылының басында оқушылар мен студенттер библио-турға қатысып, кітапхананы жаңа қырынан таныды. «Жалықтырмайтын ғылыми-көпшілік әдебиет» көрмесінде олар адам миының жұмысы, химия, биология және айналамыздағы таңғажайып құбылыстар туралы қызықты кітаптармен танысты. Ал көркем әдебиет бөлімінде оқырмандар арасында бүгінде қандай кітаптардың ерекше сұранысқа ие екенін біліп, оқу тізіміне қандай шығармаларды қосуға болатынын анықтады.  Аздап ғылым, аздап әдебиет және көп қызығушылық - «Кітапханадағы сенің күнің» дәл осылай өтті!

Ал сен кітапханадан әлі қойып үлгермеген сұрақтарыңа да жауап табуға болатынын білесің бе?

Республикалық «KitapTime-2026» кітап фестивалі аясында № 11 жалпы білім беретін мектеп, № 2 мектеп-лицейдің, Ахмет Бірімжанов атындағы 4-6 сынып оқушыларына арналған «BOOK DAY» атты кітап лабиринті форматындағы интерактивті экскурсиялық-ойын бағдарламасы өтті. Фестивальдің басты мақсаты - кітап пен оқуды насихаттау, оқырманның әдеби ой-өрісін кеңейту және әдебиетке деген тұрақты қызығушылықты қалыптастыру.

Іс-шараның басында кітапхана бөлімдері бойынша шағын экскурсия ұйымдастырылды. Содан кейін балалар интерактивті кітап көрмесі әлеміне шақырылды. Мұнда әр кітаптың өз жұмбағы немесе қызықты сұрағы жасырылған еді. Қатысушылар танымал шығармалар туралы сұрақтарға жауап беріп, әдеби кейіпкерлер мен авторларды еске түсірді, кітаптарды үзінділері арқылы таныды. Әдеби шығармалардың экрандалуына байланысты тапсырмалар ерекше орын алды. Балалар фильмнен кейіпкерді, шығарманы және оның авторын анықтауы керек болды. Қызықты, танымды әрі кей тұстарда оңайға соқпады! Кітап лабиринті білімді, зейінділікті, есте сақтауды, логикалық ойлауды және, әрине, әдебиетке деген сүйіспеншілікті талап етті. Іс-шара қызығушылық пен көтеріңкі көңіл-күйге толы жылы атмосферада өтті.

Кітап әрдайым біздің адал досымыз, білімнің, шабыттың және жаңа жаңалықтардың қайнар көзі болып қала берсін!