Ы. Алтынсарин атындағы облыстық балалар мен жасөспірімдер кітапханасының төрінде білім мен кітаптың мерекесі жалғасуда! Ұлттық кітап күні апталығы аясында біздің кітапханада ерекше рухтағы «Бағасы жоқ құндылықтар бар» атты квест ойыны өтті.

​Бұл жолы бізге қонаққа қаламыздың ең пысық, білімге құштар шәкірттері келді:

№24 мектеп-гимназиясының 4-сынып оқушылары;

№14 жалпы білім беретін мектебінің 5-сынып оқушылары.

​Ұлы ағартушы Ыбырай Алтынсариннің 185 жылдығына арналған бұл шара нағыз интеллектуалды додаға айналды. Балалар тек тапсырма орындап қана қоймай, логикалық сұрақтарға жауап беріп, туған мәдениетіміз бен әдебиетіміз бойынша білімдерін сынады.