Наурызнама онкүндігі жалғасуда. 19 наурыз – жаңару, өзгеріс пен даму күні, адам өміріндегі жаңа кезеңнің басталуы.
Осы күнге орай балалар үшін «Водополия» атты қызықты ойын ұйымдастырылды. Ойын барысында олар табиғи ресурстарды үнемді пайдалануды үйренді. Қатысушылар өздерін әртүрлі елдердің президенті ретінде сезініп, елдерінде құрғақшылық пен су тасқыны болмауын қадағалады.
Сондай-ақ, балалар «Бес асық» ойынында ептіліктерін көрсетті. Іс-шара соңында барлығы бір-біріне жақсы тілектер айтып, көтеріңкі көңіл күймен тарқасты.
