№23 жалпы білім беретін мектептің 1-сынып оқушылары үшін «Кітаптар әлеміне саяхат» атты таныстыру-танымдық экскурсиясы ұйымдастырылды. Бұл экскурсия мектеп оқушыларына арналған жалғасып келе жатқан экскурсиялар циклі аясындағы кезекті кездесу болды.
Алғашқы минуттардан бастап оқушылар кітапхана тыныс-тіршілігіне қызығушылық танытты: кітапхана бөлімдерімен танысып, кітап әлемінің байлығы мен ондағы қызықты туындылар туралы мағлұмат алды. Экскурсия қызықты әдеби викторинаға ұласты - мектеп оқушылары сұрақтарға белсенді қатысып, жұмбақтарды шешті, сүйікті кітап және мультфильм кейіпкерлерін еске түсірді.
Кездесу «Үйшіктер - кітапхана» танымдық мультфильмін тамашалаумен аяқталды. Бұл мультфильм экскурсияның мазмұнын байытып, балаларға жағымды әсер сыйлады.
