2026 жылғы 3 қарашада Ыбырай Алтынсарин атындағы облыстық балалар мен жасөспірімдер кітапханасында қазақтың ұлы ағартушысы, педагогі әрі жазушысы Ыбырай Алтынсариннің туғанына 185 жыл толуына орай «Қоңырау үнімен...» атты облыстық әдеби-танымдық диктант өтті.

Іс-шараға 8-сынып оқушылары қатысып, Ыбырай Алтынсариннің өмірі мен қызметі, әдеби шығармашылығы және педагогикалық мұрасы туралы білімдерін тексеру мүмкіндігіне ие болды.

Диктант сұрақтары ағартушының өмір жолының түрлі кезеңдерін қамтыды. Бұл оқушыларға өз білімдерін тексеріп қана қоймай, бар ғұмырын халықты ағартуға, білім беру ісін дамытуға және өскелең ұрпақты тәрбиелеуге арнаған тұлғаның мұрасымен тереңірек танысуға мүмкіндік берді.

Ыбырай Алтынсариннің мұрасы- кейінгі ұрпаққа білім мен даналықтың, адамгершілік құндылықтар мен өнегелі өмірлік бағдардың қайнар көзі болып, жас буынды шабыттандыруды жалғастырып келеді!