№13 ЖББМ, Абай атындағы ЖББМ және «School» жеке мектебінің 1-4 сынып оқушыларына арналған «Кітап қайдан шыққан» атты библиосабақ өтті. Іс шара барысында қатысушылар көне дәуірден бүгінгі күнге дейінгі кітаптың қалай жеткенін көрді. Сонымен қатар олардың қалай пайда болғанын біліп, қазіргі заманның кітаптары қызықты, алуан түрлі әрі тартымды екені туралы пікір айтты. Оқушылар жазбаша ғана емес, электронды кітапқа да қызығушылық танытты. Сабақ барысында балалар кітап мұқабасына қарап, атауын тауып, хормен жарыса айтты. Библиосабақты жарқын презентация мен «Ералаш» бейнежазбасы толықтырды.

«Ақ Нұр Плюс» жекеменшік мектебінің оқушыларына арналған «Білімпадарға арналған экология немесе сабақта айтылмайтын тақырыптар» атты танымдық сағат өткізілді. Іс-шара барысында балалар экологиялық мәселелермен танысып, эко-викторинаға қатысып, экология тақырыбындағы бейнероликтерді тамашалады. Олар «Экология» ұғымын талқылап, оның нені үйрететінін терең түсінді. Шара соңында оқушылар «Жер» планетасын қорғап, сақтамасақ, бүкіл тіршілік жойылады деген қорытындыға келді.

Бүгін Sabi Start оқу орталығының тәрбиеленушілері үшін "Балық" атты шеберлік сабағы өтті. Балалар балықтардың қандай түрлері болатынын, олардың қайда мекендейтінін, немен қоректенетінін және тағы басқа қызықты мәліметтерді еске түсірді. Ал кейін түрлі-түсті қағаз, желім мен қайшыны қолданып, осындай әдемі жұмыстар жасады.

14 маусымда дүние жүзіндегі мыңдаған адамдар инелерді, иірілген жіптерді алып, ең жарқын мерекелердің бірі — Дүниежүзілік тоқу күнін көпшілік алдында қарсы алу үшін көшеге шығады. Биыл ол 20-шы рет аталып өтіледі. Бүгін біздің кітапхана қасындағы аллеяда осы мерекені қолдаушылар мен тоқуды ұнататындар осы акцияға қатысу үшін жиналды. Біздің кездесуіміздің негізгі мақсаты-қарым-қатынас жасау, тәжірибе алмасу және, әрине, тоқу. Қатысушылар өз өнімдерінің көрмесін ұйымдастырды. Кездесу жылы қарым-қатынаста өтті.

№22 мектептің 4-сынып оқушылары үшін «Ғылым жайлы қызықтар» атты библиосабақ өтті. Іс-шара барысында балалар табиғаттың ғалымдарға қалай шабыт бергені және қазіргі өмірімізді елестете алмайтын бірқатар өнертабыстардың қалай пайда болғаны туралы білді. Балалар табиғаттағы құбылыстар мен тіршілік иелерінің суреттеріне қарай отырып, ғалымдардың жасаған өнертапқышын табуға тырысты. Сондай-ақ олар Мёбиус таспасымен танысып, оның ерекше қасиеттерін тамашалады. Сабақтың ортасында «Ералаш» үзінділері көрсетіліп, балаларға қуаныш пен күлкі сыйлады.

«Күлкі мен әзіл – бәріне шаттық» атты әдеби вояж №22 жалпы білім беретін мектептің 3-4 сынып оқушылары үшін өткізілді. Іс-шара барысында оқушылар әзіл-оспақ жанрдағы көркем әдеби шығармалармен танысты. Г. Остер, Э. Мошковская мен И. Шевчуктың өлеңдері, В. Постниковтың «Ай да Пушкин!», «Царские уши», Д. Савчиктің «Рэпер» және Лариса Полозкованың «Усталость» атты әңгімелері мысалында оқушылар мектепте, көлікте, қонақта жиі кездесетін өмірлік жағдайларды талқылады. Сондай-ақ, осы тақырыпқа арналған «Ералаш» журналының бейнематериалдарын тамашалады.

Жалпы білім беретін №14 мектептің 4-сынып оқушылары үшін «Жойылып бара жатқан сұлулық» атты Қызыл кітап беттерімен экосаяхат өтті. Оқушылар Қызыл кітаптың не екенін, оның қашан пайда болғанын және қандай мақсатта құрылғаны туралы білді. Қазақстанның Қызыл кітабына енген жануарлармен, құстармен және өсімдіктермен танысты. Сонымен қатар табиғатты сақтау маңыздылығы мен әр адамның қоршаған ортаны қорғаудағы рөлі туралы әңгіме жүргізілді.

Бүгін №22 Жалпы білім беретін мектептің 1 және 2 сынып оқушылары кітаптар еліндегі саяхатқа аттанды. Балалар көңілді ойындар мен викториналарға қатысты. Олар сүйікті ертегілерінің сюжеттерін еске түсіріп қана қоймай, ертегі қойылымына қатысып, өздерін актер ретінде сезіне алды. Іс-шара қызықты әрі танымдық сипатта өтті.