Халықаралық ынтымақтастық аясында Ресей Федерациясы, Қорған қаласының В. Ф. Потанин атындағы облыстық балалар мен жасөспірімдер кітапханасымен 9 желтоқсанда "Біз сіздің қалаңызды білеміз" онлайн ойыны өткізілді.

Біздің қаламыздың және кітапхананың намысын № 1 мектеп-лицейдің жетінші сынып оқушылары қорғады. Балалар дайындыққа өте байсалды қарап, бірнеше апта бойы олар Қорған облысының тарихын, географиясын, әдебиетін және көрнекті тұлғаларын зерттеді.

Ойын басталғанға дейін сезінген шиеленістерге қарамастан, ойынның өзі күткендей өте қызықты,тартымды өтті. Екі топта бір-бірінен кем түспеді. Біздің балалар Қорған туралы сұрақтарға жауап берді, өз кезегінде Қорған балалары Қостанай туралы сұрақтарға жауап беріп отырды. Әрине, екі жақтан да қате жауаптар болды, бірақ балалар көптеген қызықты нәрселерді білді.

Барлығы ойынға риза болды. Қорғанмен онлайн іс-шара екінші рет өткізіліп отыр.

Сәлеметсіздер ме, құрметті оқырмандар! Әдеби бағдарлама аясында сіздердің назарларыңызға «ОТБАСЫ хрестоматиясы жобасы» шеңберінде басылып шыққан кітаптар топтамасын ұсынатын боламыз. Жобаның авторы - Абзал Құспан. Жинақтарда әлем классиктерінің шығармаларының қазақ тіліне аударылған шығармалары берілген. Бұл шағын кітапшалар әсем бейнеленген, қаріп түрі ірі, анық. Мысалға алатын болсақ, Тургеневтің "Муму" шығармасы, Дефоның "Робинзон Крузо" шығармасы. Қазақ тілді оқырмандар үшін, әлем жазушыларының шығармаларымен танысуға мол мүмкіндік. Сондықтан да, кітапханаға келіңіздер, оқыңыздар.

7 желтоқсанда Ересек мектеп оқушылары мен жасөспірімдерге қызмет көрсету бөлімінде «Алтынсарин кездесулері» жобасы аясында жазушы, ағартушы-ұстаз Ы. Алтынсариннің өмірі мен шығармашылығына арналған «Ұлт ұстазы» брейн-ринг ойынының 2 кезеңі өткізілді. Сайыстың бірінші бөлімінде жеңіске жеткен қаламыздың М. Хакімжанова атындағы №20 орта мектебі мен №10 жалпы білім беретін орта мектебі кездесті. Ойын 6 кезеңнен тұрады. Ойын барысында қатысушылар ұлт ұстазының шығармашылығына, өміріне қатысты сұрақтарға жауап берді, өлеңдерімен танысып, Ы. Алтынсариннің авторлық жұмбақтарын шешіп, мақалдарының жалғасын тапты.

Сайыс қорытындысы бойынша М. Хәкімжанова атындағы №20 мектебі жеңіске жетті. Оқушыларды ойынға дайындап, серіктестікке көмек көрсеткен мұғалімдер де алғыс хатпен марапатталды. Зияткерлік ойын оқушылардың да, ұстаздардың да көңілінен шықты

Татьяна Маврина өзінің шығармашылық өмірінде 200-ден астам балалар кітабтарын суреттермен безедіріп, ХХ ғасырдың жарқын шебері ретінде Отан тарихына енді. А.С. Пушкин ертегілері бойынша ең танымал суреттері: «Өлген ханшайым мен жеті батыр туралы ертегі», «Руслан мен Людмила», «Ертегі», сондай-ақ, «Шортанның бұйрығы бойынша», «Орыс ертегілері», «Жеті қабат жердің астында» жинақтары.

Кіші жастағы оқырмандарға біздің кітапханамыз мерзімдік балаларға арналған басылымдардан ай сайын бейне ақпарат жолдайды. Бүгінгі ұсынылып отырған бейнеақпаратымызда «Бала би» атты балалар журналы. Журналдан қызықтырған ақпарат көздері болса бізге келіп, сол басылымдарды сұраңыздар.

Мұхтар Әуезовтің есімі Қазақстаннан тыс жерлерде де танымал екені мәлім. Оның шығармашылығына оқырмандар мен әдебиеттанушылар жоғары баға берген. 1 желтоқсанда Мұхтар Әуезовтің 125 жылдығына орай №3 мектеп-гимназиясының 9, 10, 11 сынып оқушыларына арналған «Отанының ұлы перзенті» атты іс-шара өткізілді. Кездесуде балалар «Абай жолы» роман-эпопеясы бойынша кілт сөздер жиынтығын құрастырды, онда балалар қазақ халқы, Абай, тұрмыс, әжесі Зере және басқа да сөздерді айтты. Адасқан өлең жолдарынан Қасым Аманжоловтың Әуезовке арналған "Мұхтар аға" өлеңін жинақтады. Балалар талқылауға белсенді атсалысып, жақсы көңіл-күймен тарқасты.

Іс-шарада Әуезов туралы бейнеролик пайдаланылды, оны осы жерден көре аласыздар.

Михаил Михайлович Бахтин деген кім? Ол әдебиеттану мен философияға қандай үлес қосты? Ол Қостанаймен қалай байланысты? Бұл туралы сіз біздің кітапханада өткен дәрістен біле аласыз. Дәріскер Арсений Великород - М.М. Бахтиннің өмірі мен шығармашылығының тәуелсіз зерттеушісі.

ҚР Тұңғыш Президенті күні: story time.

Өз елінің көшбасшысы қалай болуға болады? Халықтың өмірін жақсарту, бүкіл елдің өркендеуі үшін қандай бағдарламалар қабылдау керек? Бұл туралы № 14 орта мектептің 7-сынып оқушылары кездесуде білді. Тұңғыш Президент күніне арналған іс-шарада Қазақстанның жетістіктері, мысалы: Семей ядролық полигонының жабылуы, ЭКСПО-2017 өткізу және басқа да маңызды оқиғалар туралы айтылды.

Балаларға Президенттікке үміткер ретінде өздерін сынап көру және елдегі өмірді жақсарту бойынша өз бағдарламаларын ойлап табу ұсынылды. Білім беру және денсаулық сақтау мәселелері, экологиялық мәселелер сияқты өзекті тақырыптар қозғалды.

Балалар тақырыптарды ықыласпен талқылады, қызықты ұсыныстар айтты, әрине, кейбір балалардың көшбасшылық қасиеттері бірден байқалды.

Құрметті оқырмандар, сіздердің назарларыңызға Ілияс Жансүгіровтің «Құлагер» позмасына 85 жыл толуына орай подкастін ұсынамыз. Өскелең ұрпаққа шығарманың ақын өміріндегі драмалық эпизод – сүйікті тұлпарының өлімі туралы екендігі туралы түсіндіру. Поэма ұлттық әдебиеттегі ең трагедиялық шығармаларының біріне айналғандығы туралы мағұлыматтар беру.

Қараша айында жерлесіміз, белгілі қазақстандық жазушы Бейімбет Майлин дүниеге келді, оған біз «Кітапты аш - өзің үшін Қостанайды аш!» атты Әдеби өлкетану айдарында осы бейнероликті арнаймыз.