Кітап графикасының тарихында Владимир Андреевич Фаворскийдің (1886–1964) орны ерекше. Ол кітап иллюстрациясын нағыз өнерге айналдырған суретші. Біздің жаңа бейнемізде оның әсерлі әрі қызықты жұмыстарынан бірнешеуін ұсындық. Тамашалаңыз!

14 наурыз күні кітапханада жарқын әрі жүрекке жылы мереке — Наурызға арналған іс-шаралар легін ашқан Көрісу күні, Амандасу күні өтті.

Бұл күні кітапхана қуанышқа, күлкіге және шынайы кездесулерге толы ерекше атмосфераға бөленді. Іс-шара қонақтары ретінде тарихи-өлкетану музейінің қызметкерлері, педагогтер және № 9 Ғафу Қайырбеков атындағы мектептің оқушылары қатысты. Кітапханашылар келушілерді дәстүрлі «Көрісейік! Жыл құтты болсын!» сияқты жылы сөздерімен қарсы алып, әрқайсысына мейірім, көктем және жаңару туралы әдемі дәйексөздер жазылған ашық хаттар сыйлады.

Кітапханада мерекелік әуендер мен Наурыз туралы әндер шырқалып, айналаға көтеріңкі көңіл күй мен қуаныш сезімін сыйлады.

✨ Бұл мереке әр шаңыраққа жаңа үміт, ізгі кездесулер мен береке әкелсін!

Бүгін «Жас суретші» үйірмесінің сабағында біз сандарды көңілді жануарларға айналдыру техникасын меңгердік! Қарапайым «2» саны сүйкімді қоянның немесе әдемі құстың бейнесіне негіз бола алады екен. Мұндай әдіс балалардың қиялын, бейнелі ойлауын жақсы дамытып, ең қарапайым нәрселердің өзінен қызықты бейнелерді көре білуге үйретеді.

Ыбырай Алтынсарин – қазақтың ұлы ағартушысы, педагог және жазушы. Оның шығармалары жастарды білімге, еңбекке және адамгершілікке тәрбиелейді.

Осыған орай 7-сынып оқушылары арасында «Алтынсарин – барлық дәуірдің ұстазы» атты әдеби мозаика өткізілді. Іс-шараның мақсаты – оқушыларды Ыбырай Алтынсариннің өмірі мен шығармашылығымен таныстыру, білімге деген қызығушылықтарын арттыру.

Сайыс бірнеше кезеңнен тұрды: «Кім жылдам?», «Өлеңді жалғастыр», «Мақалды жалғастыр», «Сөзден сөйлем құра», «Сөзді тап», «Артық сөзді тап». Тапсырмалар барысында оқушылар білімдерін көрсетіп, өлеңдерді мәнерлеп оқып, мақалдарды жалғастырып, сөздерден сөйлем құрастырды.

Іс-шара өте қызықты әрі танымдық өтті. Оқушылар белсенді қатысып, ұлы ағартушының еңбектерінің маңызын тереңірек түсінді.

Ыбырай Алтынсарин атындағы ОБЖК «Алау» ТРК-мен бірлесіп «Не оқуға болады?» атты жобаны дайындады.

Квизотека: Girl Power

Бұл жолғы кездесуде біз әлемге ықпал етіп жүрген жандар жайлы сөз қозғадық. «Girl Power» тақырыбы ойы сергек, талқылаудан тайынбайтын, жаңа мәліметтерге ашық командаларды біріктірді. Ойын тартысты өтіп, эмоцияға толы болды.

Қатысушыларға қызығушылығы, тапқырлығы және ортақ атмосфераны қалыптастырғаны үшін алғыс білдіреміз!

Ойынның нәтижелері:

1 орын –Биполярность

2 орын -Chickens

3 орын - Дельта-6

Келесі ойында кездескенше!

5 наурыз күні кітапханамыздың оқырмандары Айлана Серикова мен Мария Домнина кітапханашы Елена Владимировна Кравчукпен бірге «Тобыл тынысы» телебағдарламасының қонағы болды. Эфир барысында олар наурыз айының алғашқы сәрсенбісінде жыл сайын атап өтілетін Дүниежүзілік дауыстап оқу күніне және көрнекті педагог-ағартушы Ыбырай Алтынсариннің 185 жылдығына орай өткен «10-шы аймақ ОҚИДЫ!» акциясының қалай өткенін әңгімеледі. Акция қатысушылары өткен іс-шарадан алған әсерлерімен бөлісіп, Ы. Алтынсариннің бірнеше шығармасын дауыстап оқып берді.

Ең мейірімді әрі нәзік мереке – 8 наурыз қарсаңында кітапханамыздың жас оқырман қыздарына арналған «Көктем қуанышы» атты ойын бағдарламасы өткізілді. Шара ару қыздардың сұлулығы, ақылдылығы, тапқырлығы мен таланттарына арналды. Қатысушылар Халықаралық әйелдер күнінің шығу тарихымен танысып, викторина сұрақтарына қызығушылықпен жауап берді. Барша қыздарымызды, аналарымыз бен әжелерімізді шын жүректен мерекемен құттықтаймыз! Сіздерге зор денсаулық, көтеріңкі көңіл-күй және күлкі сыйлар сәттер тілейміз.

5 наурыз күні Ыбырай Алтынсарин атындағы облыстық балалар мен жасөспірімдер кітапханасында Минск қаласындағы А.С. Пушкин атындағы облыстық кітапханамен «Мәдени тоғысу: мәдениеттер диалогы» атты онлайн-кездесу өтті.

Іс-шараға Қызмет көрсету саласының колледжі мен Қостанай колледжінің студенттері қатысты. Жастар беларусь халқының дәстүрлері мен әдет-ғұрыптарымен танысып, бауырлас елдің мәдениеті, тарихы және ұлттық ерекшеліктері туралы қызықты әңгіме тыңдады.

Кездесуге Қостанайдағы беларусь қауымдастығының өкілдері де қатысты. Қостанай облыстық Қазақстан халқы Ассамблеясының баспасөз хатшысы Дарья Сергеевна Щербакова құттықтау сөз сөйледі.

Кездесудің көркі Қостанайдан ұсынылған музыкалық сый болды — Светлана Обухова мен Наталья Пикулёваның орындауында беларусь халық әні «Лявониха» шырқалды.

IV республикалық «Шәкәрім оқулары» атты Республикалық Шәкәрім мұраларын жатқа айту байқауының облыстық іріктеу кезеңі бүгін 4 наурызда сағат 10.00-де Қостанай қаласы Ыбырай Алтынсарин атындағы облыстық балалар мен жасөспірімдерге арналған кітапханада офлайн форматта өткізілді.