«Айналдым сенен, Атамекенім!» атты облыстық қызғалдақтар фестивалі

29 сәуірде Қазақстан халқының бірлігі күні қарсаңында, Ы.Алтынсарин атындағы облыстық балалар мен жасөспірімдер кітапханасында «Достық әуендері» концерті өткізілді. Балалар музыка мектебінің тәрбиеленушілері Сыркин Александрдің (балайка), Кириллов Егордің (гитара), Распетюк Владиславтың (балайка), Беляев Георгийдің (гитара), Баскаков Андрейдің (балайка) орындауларында сүйікті музыкалық әуендер ойналды: украин халық әні «Ніч яка місячна», Е. Брусиловский «Қыз арманы», Ф. Минисетти «Вечер в Венеции», И. Гайдн «Шутка» және басқалар. Гитара мен балалайка концертмейстер Екатерина Банникованың сүйемелдеуімен әуеледі (пианино).

Фото

29 сәуірде Халықаралық би күні атап өтіледі. Көрші екі елдің мәдениетімен таныстыруды біз халық би өнерімен шектедік, осы өнер түрімен Қазақстанға да, Өзбекстанға да таныс өкілдері - Шара Жиенқұловамен және Тамара Хануммен, заманауи би ұжымдарымен және осы заманғы жұлдыздармен таныстырылды, қазақ және өзбек билерінің ерекшеліктері туралы айтылды. «Өнер халықты байланыстыратын нәзік жіп сияқты, ол достықты бұзатын бір де бір күш жоқ», - бұл Тамара Ханумның сөзі, айтпақшы, Қазақстан халқының бірлігі күні қарсаңына дәл айтылғандай.

Фото

Кітапханада қазақстандық кітаптарды оқу мен кітап оқитын балалар мерекесі өтті. 24 сәуірде Ы.Алтынсарин атындағы облыстық балалар мен жасөспірімдер кітапханасында VI «Сөз құдіреті» облыстық мәнерлеп оқу байқауының финалы өткізілді.

Байқау «Рухани жаңғыру» мемлекеттік бағдарламасының «Рухани қазына» мемлекеттік кіші бағдарламасын жүзеге асыру аясында өткізілді.

«Сөз құдіреті» - бұл 12-13 жастағы балалардың прозалық шығармаларды мәнерлеп оқитын байқау. Мақсаты — жасөспірімдердің қазақстандық әдебиетке қызығушылығын ояту, әртістік дарыны бар балаларды анықтау мен қолдау көрсету. Финалда аудандық және қалалық турлардың жеңімпаздары, дарынды, оқитын балалар өнер көрсетті.

Байқау Дүниежүзілік кітап және авторлық құқық күніне орайластырылды. Балалар байқауға тыңғылықты дайындалған, сахналық образды декорациялар мен тақырыптық төлсипаттар толықтырып тұрды.

Байқаудың қазылар алқасының құрамы: Александра Ильинична Суслова – ұстаз, қоғам қайраткері, балаларға арналған кітаптардың авторлары; Дариха Туребаевна Дюсибаева – Л. Толстой атындағы Облыстық кітапхана директоры; Елена Анатольевна Астафьева – Ы.Алтынсарин атындағы облыстық балалар мен жасөспірімдер кітапханасының ақпараттық-библиографиялық бөлім жетекшісі; Айнур Эдрисовна Сулейменова – А.Байтұрсынов атындағы Қостанай мемлекеттік университетінің журналистика және қатынас менеджменті кафедрасының оқытушысы және қазылар алқасының төрайымы - Ирина Викторовна Шевко – Қостанай облысы Мәдениет басқармасының ұйымдастыру жұмыстары жөніндегі бөлім жетекшісі. Қазылар алқасы көптеген қатысушылардың тыңғылықты дайындалғандарын атап өтті — олардың сөйлеу сауаттылықтары, оқу мәдениеттері, дауысты қоюлары, әртістік шеберліктері қалыптасқан.

Номинацияларға ие болған қатысушылар: Бағланқызы Жанел, Қостанай қ., – «Мұра»; Кұрманғазықызы Шапағат, Қостанай ауданы - «Әртістігі үшін»; Кумарова Камила, Ұзынкөл ауданы - «Таңдап алынған шығарманың өзіндік ерекшелігі»; Им София, Қостанай қ. - «Жарқын сахналық образ». «Кітапхана таңдауы» арнайы сыйлығымен Қарасу ауданынан келген Анишкевич Ева марапатталды.

Байқаудың жеңімпазы Амангелді ауданынан келген Жолтай Әлмашевтың «Бір жанар бөрі жанар» шығармасынан үзінді оқыған Тұрлығұлова Дарина ие болды. Екінші орынды Қостанай қаласынан Ділдар Мамырбаеваның «Тетя Дина, дети и я» шығармасынан үзінді оқыған Қостанай қаласынан Кириллов Владислав алды. Үшінші орын Әлия Баяндының «Сказки для маленького Ельжана» кітабынан үзінді оқыған Жітіқара ауданынан келген Ислана Изтлеуоваға бұйырды.

Байқаудың барлық қатысушылары мен қонақтары үшін жас әртістер Рамазанова Мерей, Ертас Гаухар және Ильдинбаева Дананың орындауларында әсем әндер шырқалды.

Фото

«Денсаулығыңды күт» - бұл сөзді біздің әрбіреуіміз бірнеше рет естідік. Біз келісеміз, бірақ өз денсаулығымыз үшін ештеңе де істемейміз. Жылдың 365 күні сау болып жүру үшін не істеуіміз керек? Бұл үшін еңбектенуіміз қажет. Салауатты өмір салтын ұстанумыз керек, дұрыс тамақтанып, таза ауада жиі болу керек, өмірге қуана білу керек. Денсаулықтың жақсы болуының кепілі дұрыс тамақтану болып табылады. Қалай дұрыс тамақтану керек? Сапалы тамақ пен сапасыз тағамды қалай ажыратуға болады? Осылардың барлығы туралы №2 ОМ 8 сынып оқушылары үшін №1 емхананың психологы Хакимова Виктория Бурикуловна айтып берді. «Cау болуға тыйым сала алмайсың» іс-шарасы ғылыми-көпшілік әдебиеттері бөлімінде өткізілді. Оқушылар дұрыс тамақтану туралы видео көрді, тақырыпқа сай әдебиеттерге шолуды тыңдады. Ұсынылған әдебиеттердің ішінде Геннадий Малаховтың «Золотые правила питания», «Медицина для вас» сериясынан «Витамины и витаминотерапия» кітаптары, сондай-ақ 2017 жылғы «Ойла» журналының 1 номеріне шыққан Мария Валяеваның «Когда я ем: как работает пищеварение» мақаласы болды.

Фото

2019 жылғы 1 сәуірде ең тылсым әрі жұмбақ орыс жазушысы Н.В.Гогольдің туғанына 210 жыл толды. Осы күнге орай біздің кітапханамызда «Гогольмен жайдақ арбада» кітап көрме-әдеби галерея безендіріліп, осы тақырыпта іс-шара өткізілді.
Кітаптардан бөлек көрмеде оқырмандарды өздерінің білімдерін текеріп көруге арналған сұрақтар күтіп тұрды. Мысалы, «Ұзақ шырқалған әннен кейінгі таң» («Ночь перед Рождеством»); «Тірі дене» («Мёртвые души») ауыстырма- сұрақтар.
Көрме сөрелеріне жапсырылған портреттер — бұл Гогольдің кейіпкерлері. Оларды да тану керек болды.
Гогольдің кітаптарын тарақтап отырғанда, нәзік сезім мен ерткін ойлауды үйренуге болады. 12 сәуірде Б.Момышұлы атындағы № 5 мектептің 9 сынып оқушылары үшін іс-шара өткізілді.
Тоғызыншы сынып оқушыларына В.И.Дальдің сөздігімен жұмыс істеу, Гогольдің шығармаларындағы ескі сөздердің түсіндірмесін табу қызықты болды. Мысалы, кокурки — бұл майқоспа нан, хлопанцы — туфли және басқалар.
Қатысушылар бұл тапсырмаларды керемет орындай алды. Іс-шара балалардың классиканы оқитынын көрсетті.

Әлем ержүректілік пен нәзіктіктен тұрмайды. Ол ұлы сезім мысалдарына бай.

«Қыз Жібек» эпосы — қазақ сипатының сиқырлы айнасы. Осы жарқын әрі драмалық сюжет опералық, драмалық, балет спектаклдерінде көрініс тапты. Ал қаншама көркемсурет, мүсіндеу, сәндік-қолданбалы өнер шығармалары керемет поэтикалық хикаядан шабыт алды десеңізші!

Бірақ 1970 жылы атақты қазақстандық режиссер Сұлтан Ходжиков түсірген «Қыз Жібек» фильмі нағыз жауһар болды. Темірдей мінез, жарқын сезім, еліктірер драмалық қайшылықтар — осылардың барлығын режиссер қайғылы махаббат, соғыс пен бейбітшілік туралы фильмде көрсете білді. Алайда киноклассикаға айналған осы картинаның жанкүйерлері оның көрермендерге қандай қиындықпен жол тартқанын білмейді. Фильмнің жарыққа шығу қиындығы туралы, басты рөлде ойнаған әртістердің тағдыры туралы ақпаратпен 15 сәуірде біздің республикамызда мерекеленетін Ғашықтар күніне орай өнер бөлімінде өткізілген „Сұлтанның аққу әні„ киносағатында «Зерек» колледжінің студенттері танысты.

Фото

12.04.2019 жылы сағат 14.00. Ы. Алтынсарин атындағы облыстық балалар мен жасөспірімдер кітапханасында. «Ғашықпын көктемге» атты Нағашыбай Мұқатовтың 70 жасқа толуына байланысты кездесу кеші өтті. Іс – шараның мақсаты: оқушыларды, жасөспірімдерді жерлес ақын- қаламгерлердің шығармаларымен таныстыру. Аталған іс - шараға Өмірзақ Сұлтанғазин ат. Қостанай мемлекеттік педагогикалық университетінің студентері мен М.Хәкімжанова атындағы № 20 орта мектебінің 8 сынып оқушылары қатысты. Оқушылар ақын ағамызға өлеңдерін оқып, қызықты да өзекті сұрақтарын қойды. Ақынның балалық шағы, шығармашылық өсу жолы мен өмір жайлы мәліметпен танысты. Іс шара соңында Нағашыбай Оразбайұлы кітапхана қорына «Жұлдызды адам» «Бекзат аға, Санжар іні» атты жаңа кітаптарын ұсынды. Кездесу кешіне құрметті қонақтар келіп қатысты. Атап айтсақ ақынның туған қарындасы, ҚМУ-ің мұрағат меңгерушісі Мұқатова Айшагүл Оразбайқызы, белгілі ақын жазушы, «Қазына» меценаттар клубы сыйлығының лауреаты Бердалинова Ғайнижамал Сайманқызы, І.Омаров атындағы қазақ драма театрының актрисасы - Досанова Ақдәмен Әбдуәлиқызы, қатысып Нағашыбай ағамызға өздерінің жылы лебіздерін білдірді. Кездесу кешінде Н.Мұқатов көрермендерге өзінің екі жаңа туындысын оқып шықты. Аталған жаңа туындылар көрермендер көңілінен шықты. Сонымен қатар, Нағашыбай ағамыз домбырада ән шертті. Көрермендерге кітап көрмесі ұйымдастырылды. Іс-шара соңында Нағашыбай ағамызға шапан кигізілді.

Фото

2019 жылы 11 сәуірде өнер бөлімінде «Махаббат – мәңгі дастан» атты сазды кешімізге «Педагогика және психология» мамандығы бойынша 1 курс студенттері қатысты. Бұл кездесуде қатысушылар Дудар-ай әнінің шығу тарихымен танысты. Қазақтың халық әндерімен пара-пар келетін «Дудар-ай» әнін естімеген жан кемде кем. Әннің шығу тарихына терең үңілмесе де, алдыңғы әуенін естіген бойда ыңылдай кеттік. Бірақ бұл әннің авторы Мариям Жагорқызы есімді орыс қызы екенін біреу білсе, біреуі халық әні деп ойлағандары да болды. Осы әннің жалғасы ғып, 15 сәуір – "Қозы Көрпеш - Баян Сұлу" ғашықтар күнінің нышаны екенін айта кетіп,ой бөлістік.Сондай-ақ халық аузында ежелден махаббат сезімін, оның нәзік қылын, пәк махаббатқа жету жолындағы жүректі тербетер сан қилы оқиғаларын мейлі, өз жұртында болсын, мейлі, өзге жұртта болсын, жырлап, ұрпақтан-ұрпаққа жалғастырып отырған лиро-эпостық поэма кітаптарымен таныстыра кеттім. Іс -шара соңында Ғашықтар күні нышаны ретінде фетрден жүрекше жасадық.

Фото

Сәуір айы бізге күлкі күнімен есігін ашады. Осы мерекенің жалғасы «Қазақ күлкісінің олимпі» атты сатиралық шығармалардың авторы Оспанхан Әубәкіровтің 85 жылдығына арналған қызықты кеш болды. Іс-шараға дарынды балаларға арналған мектеп-интернатының 5-сынып оқушылары қатысты. Кездесу барысында оқушылар Оспанхан атамыздың өлеңдеріне ән қосып айтып,өтірік өлеңдерінен үзінділер оқып, «Жабақ туралы әңгімелер»атты шығармасымен танысып, ойын түрінде талдау жасады. Балалар Оспанхан атамыздың 85 жылдығына арнап өз мектептерінің ұранына арналған «Алтынсарин маршын» сыйға тартып, шырқап берді. Оспанхан атамыздың шығармашылығы қызықты тілімен оқушылардың бойларына күлкі мен жылу сыйлады.

Фото