«Шабыт сыйлайтын бағыт»: Қостанайда «Ibray step» марафоны өтті

21 мамыр күні Қостанай қаласында Ыбырай Алтынсариннің 185 жылдығына арналған «Ibray step» естелік марафоны өтті. Аталған іс-шара ұлы ағартушының рухани мұрасы ұрпақтарды біріктіріп, жастарды тарих пен білімге қызығушылық танытуға әлі де шабыттандырып келе жатқанын айқын көрсетті.

Марафонға Қостанай жоғары педагогикалық колледжінің, ЧелМУ Қостанай филиалының және Қостанай колледжінің студенттері қатысты. Марафон бағыты Ы. Алтынсарин атындағы облыстық балалар мен жасөспірімдер кітапханасынан бастау алып, қаламыздағы ағартушының есімімен байланысты тарихи орындарды қамтыды. Қатысушылар орталық саябақтағы Ыбырай Алтынсарин ескерткішіне гүл шоқтарын қойып, артынша ағартушының кесенесіне зиярат етті.

Іс-шараның құрметті қонақтары қатарында Ахмет Байтұрсынұлы атындағы Қостанай өңірлік университетінің профессоры Айбек Батырханұлы Шалғымбеков, Ы. Алтынсарин атындағы Қостанай облыстық мемориалдық музейінің директоры Марғұлан Бақытбекұлы Оспанов.

Марафонның қатысушылар тарапынан шынайы қолдау тапқаны ерекше маңызды болды. Жол бойында қатысушылар бағдарламаға белсене атсалысып, Ыбырай Алтынсариннің тұлғасын және оның идеяларының бүгінгі қоғам үшін маңызын жаңа қырынан таныды.

Іс-шараның ерекше атмосферасын жоба серіктесі «АЗУРИТ» ӨСФ ұсынған кітапхана логотипі бар бірыңғай киім үлгісі (футболкалар), сондай-ақ «Жұлдыз» студиясының тәрбиеленушілері орындаған әсерлі музыкалық нөмірлер айқындай түсті.

Естелік марафонын өткізуге қолдау көрсеткен «АЗУРИТ» өнеркәсіптік-сауда фирмасына, сондай-ақ «Мята», «Оазис», «8 mart_kostanay» және «Romantic» гүл дүкендеріне алғыс білдіреміз.

Бүгін «Қостанай әлеуметтік қызметтер көрсету орталығының» тәрбиеленушілері үшін «Көктемгі бояулардың көркі» атты әдеби-поэтикалық іс-шара өтті. Іс-шара табиғатқа ұқыпты қарау мәдениетін қалыптастыруға, жыл мезгілдеріндегі өзгерістер туралы білімді кеңейтуге және жағымды эмоционалдық көңіл күй қалыптастыруға бағытталды. Іс-шара барысында балалар көктем әлеміне қызықты саяхат жасап, көктем айларының ерекшеліктерімен танысты, көктемнің белгілерін, оның бояулары мен дыбыстарын еске түсірді. Қатысушылар сұрақтарға белсенді жауап беріп, табиғат туралы өз бақылаулары мен әсерлерімен бөлісті. Іс-шара аясында танымдық ойындар мен тапсырмалар өткізілді, сондай-ақ көктем тақырыбына арналған бейнеролик пен көктем туралы жылы мультфильм тамашаланды.

2026 жылғы 16 мамырда Қазақстан Республикасының Президенті «Оқу мәдениетін дамыту және оқитын ұлт қалыптастыру жөніндегі шаралар туралы» Жарлыққа қол қойды.

Адами капиталды дамыту, қоғамның зияткерлік және мәдени әлеуетін нығайту, білім беру, тәрбиелеу және оқу-ағарту ісінің негізгі элементі ретінде кітап оқу мәдениетін насихаттау, зерделі ұлт қалыптастыру, сондай-ақ шығармашыл, жасампаз және бәсекеге қабілетті тұлғаны дамыту үшін жағдай жасау мақсатында ҚАУЛЫ ЕТЕМІН:

1. Мыналар мәдениет, білім беру және инновациялар салаларындағы мемлекеттік саясаттың басым бағыттары болып айқындалсын:

кітап оқу мәдениетін дамыту және зерделі ұлт қалыптастыру;

оқырмандарға арналған заманауи инфрақұрылымды дамыту: цифрлық құралдарды кеңінен қолдана отырып, жаңа форматтағы кітапханалар, қоғамдық кеңістіктер құру;

туындылары жас ұрпақты Қазақстан Республикасы Конституциясының негізгі қағидаттары мен ережелерін құрметтеу рухында тәрбиелеуге ықпал етіп жүрген отандық жазушылар мен ақындарды қолдау;

баспагерлер мен кітап өнімін таратушылардың мемлекет үшін пайдалы қызметтерін ынталандыру;

ұлттық әдеби мұраны ел ішінде және шетелде насихаттау.

2. Қазақстан Республикасының Үкіметі:

1) халықтың әртүрлі санаттары, оның ішінде балалар мен жастар арасында кітап оқу мәдениетін дамыту және кітап оқудың орнықты дағдыларын қалыптастыру жөніндегі шаралар кешенін іске асыруды қамтамасыз етсін;

2) жаңа форматтағы кітапханалар, көпфункционалды қоғамдық кеңістіктер құруды, заманауи ақпараттық жүйелер мен сервистер ендіруді қоса алғанда, оқырман инфрақұрылымын жаңғыртуды қамтамасыз етсін;

3) ұлттық әдеби мұраны ел ішінде және шетелде насихаттауды, оның ішінде туындыларды сапалы аудару, басып шығару, оқырмандардың кең ауқымды аудиториясына тарату арқылы қамтамасыз етсін;

4) 2026 жылғы 1 қыркүйекке дейін «Жылдың 10 оқырманы» республикалық жобасын іске асыруға кіріссін;

5) жасанды интеллектіні дамыту жағдайында 2026 жылдың соңына дейін Кітап оқу мәдениетін және кітап ісін насихаттаудың 2027 – 2031 жылдарға арналған «Зерделі ұлт» тұжырымдамасын (бұдан әрі – «Зерделі ұлт» тұжырымдамасы) бекітсін;

6) 2027 жылғы 1 қаңтарға дейін «Кітапхана және кітап шығару ісі туралы» Қазақстан Республикасының жаңа Заңының жобасын әзірлесін;

7) 2027 жылғы 1 қаңтарға дейін кітап оқу мәдениетін дамытудағы жетістіктері үшін Ұлттық сыйлық тағайындасын;

8) 2027 жылғы 1 қаңтарға дейін бірыңғай қолжетімді Ұлттық цифрлық кітапхана платформасын құрсын;

9) жыл сайын «Зерделі ұлт» тұжырымдамасының іске асырылу барысы туралы Қазақстан Республикасы Президентінің Әкімшілігіне есеп берсін.

3. Осы Жарлық қол қойылған күнінен бастап қолданысқа енгізіледі.

Қазақстан Республикасының     

                Президенті                                                                     Қ.Тоқаев

Астана, Ақорда, 2026 жылғы 16 мамыр

«Квизотека» интеллект-аренасы

Квизотека: Классика

Белгілі бір тақырыппен шектелмеген классикалық ойын логикаға, зейінге және командалық рухқа негізделді.

Кеш қызыққа, күлкіге және шынайы эмоцияларға толы болды.

Бізбен бірге ойнаған және осы сәтті бірге бөліскен қатысушыларға үлкен алғыс!

Ойынның нәтижелері:

1 орын – Культ Мифического Рассвета

2 орын - Адд Птахи

3 орын - Биполярность

Ең үздік орын- CHIK CHIK CHIK

Келесі ойында кездескенше!

Көктем Ермексазбен жұмыс жасау өте пайдалы. Ұсақ моториканы, кеңістіктік ойлауды және шығармашылықты дамытады. Оригами+ үйірмесінің кезекті сабағында балалар бұған көз жеткізді. Сабақтың тақырыбы «Көктем». Осындай әдемі жұмыстарға қол жеткіздік.

Егер Ыбырай Алтынсарин даланың «алғашқы ұстазы» болса, Ахмет Байтұрсынұлы ұлттық білім берудің ғылыми негізін қалаған оның идеялық ізбасарына айналды. Осынау екі ұлы тұлғаның қазақ мектебі мен мәдениетінің даму жолын қалай айқындағаны туралы подкастымыздың екінші эпизодында баяндаймыз.

№14 жалпы білім беретін мектептің 1-сынып оқушыларына Жеңіс күні мерекесіне орай ұйымдастырылған «Жеңіс жүректе, жеңіс — тарихтағы жеңіс» атты естелік сағаты өтті. Балалар соғыс жылдарындағы тарихпен танысып, сондай-ақ Қостанайлықтардың Ұлы Отан соғысы жылдарындағы ерліктері туралы білді.

Бүгін № 16 жалпы білім беретін мектебінің 6 «Г» сынып оқушыларын ересек жас және жасөспірімдерге қызмет көрсету бөліміне ауысуы — маңызды оқиғасына орай қарсы алу рәсімі өткізілді. Оқушылар үшін «Міне, біз бір жасқа есейдік» атты танымдық іс-шара ұйымдастырылды. Іс-шара барысында оқушылар викториналар мен жұмбақтарға белсене қатысып, жақсы білімдері мен тапқырлықтарын көрсетті. Кітапхананың ересек оқырмандар бөлімімен танысуға кіріспес бұрын, барлық қатысушылар көңілді «Чика-Бум» ойынын ойнады. Бұл іс-шара қатысушылар арасында жақсы көңіл-күй сыйлады. Осы жаңа күш-жігер мен көтеріңкі көңіл-күймен олар жаңа әрі қызықты әлемге енуге дайын екендерін көрсетті.