Шағын әрі достық атмосферада «Нейрокітап: .қиял және шығармашылық» үйірмесінің үшінші отырысы өтті. Жас оқырмандар бразилиялық жазушы Лижия Божунганың «Желтая сумка» атты кітабымен танысып, шығарманың сюжетін, кейіпкерлерін және негізгі идеяларын жан-жақты талқылады. Одан әрі нейрожелілердің көмегімен қатысушылар оқыған кітап желісі бойынша суреттер жасап, оларды жандандырып, статикалық фотосуреттерді қызықты әрі мағыналы хикаяларға айналдырды. Отырыс барлық қатысушыларға үлкен қуаныш сыйлап, өте қызықты, әрі тартымды өтті.
Біз «Кітапхана және интернет — пікірталас алаңы» атты кездесулер циклін жалғастырамыз. Бүгінгі басқосу әдебиет пен оның адам өміріндегі маңызына арналды.
Кездесуге философия ғылымдарының кандидаты, профессор Юрий Яковлевич Бондаренко, жазушы әрі Л.Н. Толстой атындағы облыстық әмбебап ғылыми кітапхананың әдеби-ақпараттық секторының меңгерушісі Алексей Олексюк және Светлана Витальевна Маньшина қатысты. Пікірталас барысында әдебиет пен оқырман мәдениетіне қатысты өзекті мәселелер кеңінен талқыланды. Қатысушылар «Терең мағыналы классикалық шығармаларды біз олардың замандастары түсінгендей қабылдай аламыз ба?», «Әдебиетке деген сүйіспеншілікті қалыптастыруға бола ма?», «Адамды ойлауға үйрету мүмкін бе және оны қалай жүзеге асыруға болады?», «Ақпарат тасқыны дәуірінде неге жақсы әңгімелесушінің қадірі арта түсуде?», «Кітап оқуға үйретеді, ал оқылған дүниені терең түсінуге кім үйретеді?» деген маңызды сұрақтарға жауап іздеді. Кездесу филология ғылымдарының докторы, профессор, жазушы Евгений Викторович Жариновтың подкастынан алынған әсерлі үзіндімен басталды. Онда әдебиеттің адам дүниетанымын қалыптастырудағы рөлі мен рухани құндылықтарды сақтаудағы маңызы туралы ойлар ортаға салынды.
Бүгін кітапханамызға №31 жалпы білім беретін мектептің оқушылары арнайы танымдық экскурсиямен келіп қайтты.
Саяхат барысында бүлдіршіндер кітап патшалығының қызықты тыныс-тіршілігімен жақын танысты. Олар кітапхананың негізгі бөлімдерін аралап, кітапты ұқыпты ұстау тәртібі мен кітапхана ішінде өзін-өзі ұстау ережелерін үйренді. Сондай-ақ, балалар сиқырлы кітаптар парақтары арқылы ертегілер әлеміне еніп, логикалық жұмбақтарды шешті және қызықты викториналық сұрақтарға жарыса жауап берді.
Бұл шара балалардың кітапқа деген сүйіспеншілігін арттырып, рухани азық алуына жол ашты. Экскурсия соңында ерекше әсер алған оқушылар жақын күндері ата-аналарымен бірге келіп, кітапхананың тұрақты оқырманы болуға уәде берді.
«Денсаулық» бағдарламасы аясында және Халықаралық нашақорлықпен күрес күні қарсаңында кітапхана «Денсаулық – сенің күшің» атты акциясын өткізді.
Қала тұрғындарына нашақорлықтың алдын алуға арналған кітаптар туралы ақпарат қамтылған парақшалар таратылды. Ұсынылған басылымдардың қатарында – А. Әлімжановтың «Нашақорлық қорқынышы», З. Есенаманның «Хардкор» және басқа да еңбектер бар.
Акцияның мақсаты – нашақорлық мәселесіне назар аудару және салауатты өмір салтын насихаттау.
Қостанай қаласындағы әлеуметтік қызмет көрсету орталығының тәрбиеленушілері үшін «Бізде қосымша ғаламшар жоқ!» атты экологиялық сабағы жүргізілді. Іс-шара барысында балалар таза ауаның адам өміріндегі маңызы, оның ластану себептері және қоршаған ортаны сақтау жолдарымен танысты. Қатысушылар «Табиғатты қорғайық» мультфильмі мен «Адам және жер» атты тақырыптық бейнероликті тамашалап, одан кейін пікірталас пен ойындарға белсене араласты. Шара соңында балалар ауаның тазалығы мен қоршаған ортаны қорғау әрбір адамның жауапкершілігіне байланысты екендігі туралы ортақ қорытындыға келді.
Бильбоке – пластик бөтелкеден жасалған ойыншық. Бүгін №1 мектеп-лицейінің 4-сынып оқушылары үшін қызықты шеберлік сабағы өткізілді. Балалар өздеріне арналған ойыншықты қолдан жасады. Бильбоке – ежелгі ойыншық, ол жіпке кішкентай допша байланған тостағаншадан тұрады. Ойынның мәні – допты жоғары лақтырып, оны қайтадан тостағаншаға түсіру. Өз қолдарымызбен жасаған жұмыстарымыздың нәтижесін сіздердің назарларыңызға ұсынамыз.
Қазақстан Республикасының Президенті Қасым-Жомарт Кемелұлы Тоқаевтың «Оқу мәдениетін дамыту және оқитын ұлтты қалыптастыру шаралары туралы» Жарлығында белгіленген міндеттерді іске асыру аясында биыл 19 маусымда Ы. Алтынсарин атындағы облыстық балалар мен жасөспірімдер кітапханасында өңір кітапханашыларының жұмысшы кеңесі өтті. Іс-шараға Қазақстан Республикасы Ұлттық академиялық кітапханасының директоры Күміс Қарсақбайқызы Сейтова қатысып, Қостанай облысының кітапханашыларымен кездесті. Жиынның негізгі тақырыбы - Қазақстан Республикасының «Кітапхана және кітап баспа ісі туралы» Заңының жобасы болды. Кеңес барысында қатысушылар заң жобасының негізгі ережелерін қарастырып, кітапхана саласын дамытудың өзекті мәселелерін, кітапханалық қызмет көрсетуді жетілдіру, оқуға қолдау көрсету және кітапханалардың қоғамның зияткерлік және мәдени әлеуетін қалыптастырудағы рөлін күшейту мәселелерін талқылады. Жаңа заңның қабылдануы кітапхана саласын жаңғыртудағы және Қазақстанда оқу мәдениетін дамыту жөніндегі мемлекеттік саясатты жүзеге асырудағы маңызды қадам болады.
Қазақ әдебиеті мен журналистикасында өзіндік қолтаңбасы бар көрнекті тұлға, ақын әрі жазушы Ақылбек Шаяхмет туралы бейнероликті назарларыңызға ұсынамыз!
Оның әрбір туындысы — ұлттық құндылықтардың, туған жерге деген шексіз махаббат пен терең пәлсапаның көрінісі. Балалар әдебиеті мен драматургияда да өнімді еңбек етіп, артына қазыналы мұра қалдырып келе жатқан қаламгердің шығармашылығы әрқайсымызға үлгі.
Зерттеуші әрі ыбырайтанушы С. Оспанов подкаст шығарылымында бірегей тарихи олжамен бөлісті. Мәскеу архивтерінен кейін Қазақстанға қайтарылған маңызды құжаттар табылған.
Солардың қатарында 1859 жылы шығыстанушы В. Григорьевтің жас Ыбырай Алтынсаринге жазған хаты бар. Бұл хат ағартушының архив тарихы бұрын ойлағаннан әлдеқайда ертерек басталғанын дәлелдейді. Онда В. Григорьев жас жігіттің қабілетін жоғары бағалап, оның білім жолындағы бастамаларын қолдаған.
Жауап хатында Ыбырай Алтынсарин ғалымға көрсеткен қамқорлығы үшін зор құрметпен алғыс білдірген. Ол өзіне қамқор болған ұстазына әрдайым ризашылықпен қарайтынын айтып, оны «өз атасындай жақсы көретінін» жазған. Бұл олардың арасындағы ерекше жылылық пен шынайы сыйластықты айқын көрсетеді.
