15 қазанда "Жанұя" отбасылық үйінің тәрбиеленушілері үшін "Дала әуені" қазақ халық аспаптары туралы әңгімелер топтамасы басталды. Домбыра туралы әңгіме топтаманы ашты. Домбыра түркі халқының ең ұлы өнертабыстарының бірі деп танылған. 2010 жылы Қытайда 10450 домбырашы Қазақтың "Кеңес" күйін орындағаннан кейін домбыра Гиннестің рекордтар кітабына енді. Балаларға музыкалық аспаптың тарихы айтылып, домбыра туралы аңыз таныстырылды. Домбыраның құрылысы туралы айтылды.