6 маусымда Қазақстан Республикасының Еңбек сіңірген өнер қайраткері, суретші Тұрсын Әбуовтың туғанына 85 жыл толады. Тұрсын Әбуов Қазақстанның бейнелеу өнеріне 1960-шы жылдардың соңында – қазақстандық кескіндеменің ұлттық стилінің қалыптасу кезеңінде келген суретшілер ұрпағына жатады. Сол кездегі суретшілер дала көшпендісінің мәдениетін әлемдік мәдениеттер кеңістігіне лайықты және мәнерлі түрде енгізе алды.