19.02. «Алаш басшысы Әлихан Бөкейханов» іс-шарасы өтті. 2016 жылы Қазақстан халқы Қазақстан Тәуелсіздігінің 25 жылдығын атап өтеді. ЮНЕСКО Бас конференциясының 38–сессиясында 150 жылдық мерейтойына орай осы жылды ғалым, қоғам қайраткері, «Алаш» ұлт-азаттық партия қозғалысының негізін қалаушы Әлихан Нұрмұхаммедұлы Бөкейхановтың атымен аталып өтсін деген шешім қабылданды. Ол тәуелсіздікті армандады және Қазақстан мен Ресей халықтары арасында берік ынтымақ орнағанын қалады. «...Жаңа тәртіп орнауы үшін басқа халықтармен ынтымағымызды нығайтуымыз керек» - деді Ә.Бөкейханов. Кездесудің басты мақсаты ғалымды тек саясаткер ретінде ғана емес бірінші абайтанушы, әдебиеттанушы, әдеби сыншы ретінде басқа қырынан таныту болатын. Кездесу барысында жалпы Қазақстан тарихындағы Алаш партиясы туралы біршама сұрақтар қойып, белсенділік танытты. Сонымен қатар Ә.Бөкейхановқа арналған кітап көрмесімен әдебиеттерге шолу жасалды.
