2016 жыл - Еліміздің Тәуелсіздігінің 25 жылдығы аталып өтетін жыл. Осы жылдар ішінде көптеген жетістіктерге жеттік, соның ішінде кітап шығару мен әдебиет саласында да алған асуларымыз аз емес. Әдебиет ұлттық мәдениетіміздің ажырамас бөлшегі, ол өзінің терең этникалық бастаулары мен дәстүрімен құнды. Заманауи жас ақындардың өлеңдері мен прозалық шығармаларында ұлтымыздың, еліміздің дамуына қосқан үлестері сезіледі.

Кітапханамыздың 7-11 сынып оқушылары мен жасөспірімдерге қызмет көрсету бөлімінде «Жылдар, мұра, құндылық...» атты кітап көрмесі ұйымдастырылды. Қазақстанның картасы пішінінде жасалған бұл көрме өзінің терең мазмұнымен ерекшеленеді. Еліміздің облыстарының ерекшелігін, байлығы мен жетістіктерін айқындайтын көрменің көркемдік безендірілуі таңбашалардан жасалған айстопперлермен көмкерілген.

Көрмеге Аделия Амраева, Лилия Калаус, Нурлан Санжар, Алибек Файзулаұлы, Роза Мұқанова сынды жас жазушылар мен Алибек Аскаров, Герольд Бельгера, Роллана Сейсенбаева сияқты атақты сөз шеберлері және қостанайлық жазушылар Ақылбек Шаяхметов, Александра Суслова, Ақдаулет Сатыбалдының шығармалары қойылды. Бұл шығармалардың басты тақырыбы- балалық шақ, жасөспірімдер, олардың ата-аналарымен, құрдастарымен қарым-қатынасы, алғашқы махаббат. Бұл бүгінгі күнде барлық жастар мен ата-аналарды мазалап жүрген мәселелердің бірегейі.