29 мамырда «Хикаяттар сандығы» театр студиясының қатысушылары Облыстық орыс драма театрына серуендеп қайтты.
Балалар танымды, құнды әрі өте қызықты экскурсия барысында бұл театр Қазақстан бойынша ең көне театрлардың бірі және ол 1922 жылы қаланғандығы жөнінде білді. Театр маусымында 8 премьера шығарады. Оған драма, комедия, трагедия, тіптен балаларға арналған ертегілер де кіреді, қойылымдарды А. Олейникова, Л. Ромадина, Ю. Кудряшова, О. Бабанов, В. Битюкова, В. Колпаков, О. Смирнов сияқты дарынды әртістер орындайды.
Театр фойесіндегі қостанайлық суретші Александр Захарченковтің жұмысы балаларды таңғалдырды, әсіресе Лиза Воронова көркемөнер мектебіне барып жүргендіктен, графикалық және көркем суреттерге ерекше назар аударды.
Костюмерлер, бутафория, суретшілердің шеберханалары сияқты орындар нағыз сырлы заттарды сақтайтын орын. Ол жерде бетпердені киіп көріп, нағыз қытай желпуіші мен қаруды ұстап көруге болады, тіптен орта ғасырдағы батырлардың сауыт-сайманын да көре аласың.
Экскурсия осымен өз мәресіне жетті. Театрдың әдебиет бөлімінің жетекшісі Татьяна Николаевна Созина тосын сый жасады. Студиялықтар әртіс әрі қоюшы режиссер Наталья Борисовна Дедюхтан шеберлік сабағын алды.
Балалар азды-көпті әртістік құпия жайлы білді. Енді олар басты рөл тимеген жағдайда немесе сөздерді ұмытып қалған жағдайда соншалықты қынжылмайтындарына сенімді.
Театр сахнасының шеберімен өткен қызықты және құнды «тең» сұхбат балаларға жігер берді. Олар үйді-үйіне рөлді бастан аяқ оқимыз, кейіпкермен іштей сұхбаттасамыз деген оймен тарасты.
