2020 жылдың 20 қазанында VII Облыстық "Сөз құдіреті" байқауының финалдық кезеңі басталды! Байқаудың ұйымдастырушылары - Қостанай облысы әкімдігінің мәдениет басқармасы, Ы.Алтынсарин атындағы облыстық балалар мен жасөспірімдер кітапханасы. Байқау "Рухани жаңғыру" бағдарламасы аясында және Ұлы Отан соғысындағы Жеңістің 75 жылдығын мерекелеуге орайластырылған. Байқаудың тақырыбы: "Соғыстың ащы ізі: Қазақстан авторлары Ұлы Отан соғысы туралы". Байқаудың финалына аудандық "Сөз құдіреті" байқауының жеңімпаз балалары өтті, 22 қатысушы қазақстандық авторлардың, сондай-ақ Қазақстаннан шыққан шетелдік авторлардың Ұлы Отан соғысы туралы прозалық шығармаларынан үзінділерді жатқа айтатын болады. Тахауи Ахтанов, Қасым Қайсенов, Бауыржан Момышұлы, Сайын Мұратбеков, Дулат Исабеков және т. б. шығармаларынан үзінділер оқылады. Байқау алғаш рет онлайн форматта өткізілді, қатысушылардың жазбасы бар бейнероликтер әлеуметтік желілердегі кітапхана парақшаларында ұсынылды. Бейнероликтерді мына сілтеме бойынша көруге болады. Байқау нәтижелері кітапхана сайтында 2020 жылдың 30 қазанында жарияланады.