Қазақстан Республикасының Тұңғыш Президенті күнін мерекелеу кездейсоқ емес. Нұрсұлтан Әбішұлы Назарбаев мемлекетіміздің қалыптасуы, дамуы мен өркендеуіне баға жетпес үлес қосты.

Бүгінде Қазақстан Республикасының тәуелсіз даму тарихы оның есімімен тығыз байланысты.

"Рухани жаңғыру" бағдарламасы аясында "Жанұя" отбасы үйінің тәрбиеленушілеріне отансүйгіштікті, белсенді азаматтық ұстанымды, өскелең ұрпақтың патриоттық санасын қалыптастыру мақсатында Тұңғыш Президент күніне орай "Мықты көшбасшы -табысты мемлекет" ақпараттық дерекнамасы өткізілді.

Бұл іс-шараның міндеті - Қазақстан Республикасының Тұңғыш Президенті Н. Ә.Назарбаевтың тәуелсіз мемлекетті құрудағы және дамытудағы тарихи рөлін көрсету. Балаларға мемлекет бірлігі, Отанға деген сүйіспеншілік, өз елі үшін мақтаныш сезімін тәрбиелеу маңызды болып табылатын Көшбасшымыздың өмірі туралы ақпарат ұсынылды.