Жақын арада біз көктемнің ең басты мерекесі – Наурыз мейрамын тойлайтын боламыз. Бұл ежелгі тарихы бар ерекше мереке, Жаңа жылдың, көктемнің, табиғаттың жаңаруының мерекесі.
Наурыз мерекесінде адамдар бір-біріне қонаққа барып, салт-дәстрлерді жаңғыртып, ән айтып, би билеп, бір-біріне сыйлық сыйлап, ерекше думанмен атап өтеді. Біз де сыйлықтар туралы ойладық!
Сіздерді немен қуантсақ екен, құрметті оқырмандар? Ең жақсы сыйлық – бұл кітап екендігі бәріне белгілі! Біз сізді үнемі жаңа кітаптармен қуантып жүрсек те, сүйікті автормен кездесу, ол видео форматта болса да, бұл біздің ойымызша екі есе керемет сыйлық!          
Белгілі қазақстандық авторлардың бейнеқұттықтаулары мереке алдындағы күндері барлық қостанайлықтар мен біздің кітапхана оқырмандары үшін жағымды сыйлық болады!    
Мереке құтты болсын, қымбатты достар және алғашқы құттықтауыңызды қабыл алыңыз!

Серікбай Оспанов «Тілек - TIME»

Өлеңді күміспен күптеп, алтынмен аптап, ширатып шегіне жеткізі жаза білетін қазақ позиясында өзіндік қолтаңбасы бар ақын-Серікбай Оспанов Жамбыл атындағы Халықаралық сыйлықтың лауреаты, филология ғылымдарының докторы, Қостанай мемлекеттік педагогикалық институтының профессоры. Ол – екi жүзден аса ән мәтiнiнiң, отыздан астам әннің авторы ретінде де белгілі тұлға. Бүгін сіздердің назарларыңызға өлекеміздің біртуар ақыны Серікбай Оспанов ағамыздың қостаналықтарды және кітапхана оқырмандарын төл мерекеміз Наурызбен құттықтаған құттықтауын ұсынамыз.