Биыл Ұлы Отан соғысының аяқталғанына 73 жыл толып отыр. Бұл тарихи оқиға бізден алыстаған сайын ұмытыла беретіні анық. Сондықтан жас ұрпаққа Отан қорғау жолында құрбан болған, ерен ерлік көрсеткен батырлар жайлы айту біздің міндетіміз. Осы мақсатта 3 мамырда №28 мектеп-гимназиясының 7 сынып оқушылары үшін партизан-жазушы, Халық қаһарманы Қасым Қайсеновтің 105 жылдығына орай «Аты аңызға айналған батыр» патриоттық сағаты өткізілді. Іс-шара барысында балаларға жалпы ҰОС туралы викториналық сұрақтар қойылды, Қ.Қайсеновтің өмірі мен шығармашылығы туралы бейне-роликтер көрсетілді, автордың біздің қорымызда бар кітаптарына шолу жасалды. Іс-шара балаларға патриоттық сезім сыйлады.