арлық әлемде темекі шегумен қүрес қарқын алып келеді. Соңғы жылдары бұл, шынында, дүниежүзілік көлемде жүргізіле бастады. Жыл сайын қарашаның үшінші бейсенбісінде Халықаралық темекіден бас тарту күні аталады. 16 қарашада күні бойы кітапханада темекіден бас тарту акциясы жүрді, оның мақсаты салауатты өмір салтын сақтау және қаланың темекі шегетін тұрғындарын (әсіресе жастарды) темекіден бас тартуға ынталандыру болды. Барлық оқырмандарға «Темекіден қалай бас тартуға болады?» деген жадынамалар таратылды.
ҚҚКСК-нің 2-курс студенттері үшін №1 поликлиниканың психологі Хакимова Виктория Бирикуловнамен «Кальян — зиянсыз ермек» деген тақырыппен кездесу ұйымдастырылды. Жастардың көбісі кальян бүгінгі таңдасәнді кафелерде жастар отырысының ажырамас атрибутының бірі және оны жиі шекпесе, әсіресе никотинсіз қоспалармен шеккен жағдайда кальян зиянсыз деген ойларын ортаға салды.Кездесу барысында Виктория Бирикуловна кальянның ағзаға тигізер зиянды салдарын айтты. Кальян -адам ағзасына кері әсер ететін, жасанды психобелсенді зат, әсіресе әйелдер мен жасөспірімдер ағзасы оған тез тәуелді болып келеді. Кальян шегу де темекі сияқты обыр, жүрек ауруларын, тыныс алу жолдарының ауруларын, асқазан жарасын түсіреді. Әңгіме барысында кальян туралы презентация, видеокөрсетілді. Әңгімеден басқа шегу әдетінен арылуға көмектесетінтренингтер өткізілді.Кездесуден кейін екі студент бірінші поликлиника және темекі шегудің алдын алу кабинеті қайда орналасқаны жайлы сұрап білді.
