13 маусым мектепке дейінгі және 1-6 сынып оқушыларына арналған бөлімінде Елбасы Н. Назарбаев «Болашаққа бағдар: рухани жаңғыру» мақаласында халықтың санасына жалпыұлттық киелі орындар ұғымын сіңіру бағытында Сырбай Мәуленов атындағы гимназияның 6-сынып оқушыларымен кездесу өтті. Сондай-ақ оқушылар Республика көлемінде жүріп жатқан «Рухани жаңғыру» аясында «Қасиетті Қазақстан» этно-мәдени экспедициясының Қостанай облысы бойынша зерттеліп, жаңғыртылған киелі нысандарына арналған «Қостанай облысының киелі жерлері» атты виртуалды кітап көрмесіне саяхат жасады. Оқырмандарға өлкеміздің 10 жалпыұлттық мәні бар және 19 жергілікті маңызды киелі орындарының атауымен таныстырылып, сол киелі жерлер жайлы және өз елінің, өз өлкесінің тарихы жайындағы кітап және журнал, газет беттеріне шыққан мақалалармен таныстырылды. Оқушылар «Мен өз еліммен мақтанам» деп өздерінің ерікті ойларымен бөлісті. Кездесу туған өлкеміздің авторларының өлеңдері «мүшайра» дәстүрі бойынша өлең оқумен аяқталды.

Фото