Өмірде қандай қиын жағдай туындамасын, мыңдаған жанды қыршыннан қиған қандай қантөгіс соғыс болмасын адам жанына шипа берер әндерден көрініс табады. Сол сияқты бұл тұрғыда кеңес Одағының ауған эпопеясы да назардан тыс қалған жоқ. Ауғанстанда кеңес әскерлерін «Шурави» деп атаған, өздерін өлең жолдарында және музыкалық шығармашылықта айқын көрсеткен. Олардың қаламдарынан жүрек қылын тебірентер көптеген шығармалар шыққан.
Время выбрало нас,
закружило в афганской метели...
- деп өздері туралы ән шырқаған Юрий Кирсанов пен Виктор Верстаков, Валерий Петряев пен Игорь Морозов, Виктор Куценко мен «Каскад» және «Голубые береты» топтары — ауған соғысы әндерінің ең алғашқы шырқаушылары және 19 ақпанда Өнер бойынша әдебиеттер бөлімінде өткізілген әуенді сағаттың басты кейіпкерлері болды.
1987 жылы шыққан «Пусть память говорит» және «Время выбрало нас» альбомдарына жинақталған әндерде авторлар сөзі мен әуені жағынан өзіндік ерекшелігін белгілейді. Бұл күйтабақтар бүгінгі күні сирек кездеседі, оқырмандар кітапхана қорында бар 1980 жылы Ауғанстанда жасалған жеке деректі жазбаларды тыңдай алады.
Әуенді сағатқа Шырақбай Қабылбаев атындағы ҚР ІІМ Қостанай Академиясының 105 оқу тобының курсанттары қатысты.
