Биыл жазушы, драматург, көсемсөзші-журналист, Қазақстан жазушылар одағы басқармасының мүшесі, Әлем халықтары жазушылар одағының мүшесі, филология ғылымдарының кандидаты, Ахмет Байтұрсынов атындағы ҚМУ профессоры, халықаралық шығармашылық Академиясының корреспондент мүшесі, ҚР мәдениет қайраткері, Қазақстанның құрметті журналисі, белгілі ақын Ақылбек Қожаұлы Шаяхметовтың 70 жылдық мерейтойы.
Аталған айтулы күнге орай, кітапханада «Ақын – елдің ардағы» атты кездесу кеш өтті. Кештің құрметті қонағы мерейтой иесі Ақылбек Шаяхмет болды. Іс-шараға Қостанай қаласының №10 орта мектебінің 6 сынып оқушылары қатысты. Іс-шара барысында «Нұр әуен» студиясының қатысушылары күй орындады, Байгенжин Ержан «Құсни Қорлан» әнін нақышына келтіріп орындады. Сондай-ақ, оқырмандар ақынның өлеңдерін жатқа оқып, ақынға өздерін қызықтырған сұрақтар қойып, тұщымды жауаптар ала алды.
