7 наурызда «Сәлеметсің бе, кітап апталығы!» атты мерекелік бағдарламасымен балалар мен жасөспірімдер кітаптары апталығының ашылуы өтті.

Балаларды А. Линдгреннің кітабының кейіпкерлері Балақай мен шатырда тұратын Карлсон оқырмандар үшін дайындалған әртүрлі сынақтармен қарсы алды, балалар ол сынақтарды сәтті орындап шықты. Мерекеміз Мельникова Алена Олеговнаның жетекшілігімен «Ритмы детства» би тобының орындауында «Бақыт», «Қамажай» би композициясымен көркемделді, сондай-ақ оқырмандарымыз Аманжол Мерей жетігенде «Арбиан қоңыр» күйін, Қалқаева Ляйсан скрипкада «Титаник» композициясын орындады, ал Нестер Злата «Қош бол!» атты әнімен іс-шараны аяқтады.