Биыл жерлес ақын Ғафу Қайырбековтің туғанына 95 жыл толып отыр. Осы айтулы күнге орай кітапханада «Дарабоз ақын» атты жыр шашуы өтті. Іс-шараға қаламыздағы Ғафу Қайырбеков атындағы №9 мектептің 8 сынып оқушылары келді. Іс-шара барысында ақынның кітаптары қойылған кітап көрмесімен таныстырылды, Ғ. Қайырбековтің өмірбаяны мен шығармашылығына тоқталып өтіп, балалар ақынның өлеңдерін оқыды. Бейнеролик арқылы ақынның өз даусымен оқыған өлеңін тыңдады. Соңында караоке арқылы ақынның сөзіне жазылған Ш. Қалдаяқовтың «Ана туралы жыр» әнін шырқады. Іс-шарадан балалар жоғары көңіл-күйде тарқасты.