28 қыркүйек кітапхана қабырғасында балаларға арналған әдеби журнал балдырғанның 65 жылдық мерекелік мерейтойы аталып өтті.  «Балдай тәтті бала досы» деген атаумен аталған іс-шараның ең басты ерекшелігі мерекемізге журналдың бас редакторы Дүйсен Мағлұмов онлайн қосылып, біздің оқырмандарымызға ерекше сый жасады. Кездесу барысында №24 мектебінің және Ы. Алтынсарин атындағы дарынды балаларға арналған мектебінің оқушылары балдырғанның сыры мен тарихы және бүгінгі мен ертеңі  жайлы көптеген сұрақтар қойып, оған нақты, танымды жауаптар алды. Мерекелік кездесуіміз  оқырмандарымыздың мерекелік ән-шашуымен және бала Балдырғанның қызықты ойындарымен көңілді, қызықты аяқталды.

#гидқазақстанға #ГидПоКазахстану

Биыл белгілі қазақ жазушысы, драматург Оралхан Бөкейдің туғанына 80 жыл толады. 26 қыркүйекте № 11 мектептің 7 "а", 9 "ә" сынып оқушыларына арналған "Өр Алтайдың өрлі жазушысы" атты іс-шара ұйымдастырылды.

Балалар жазушының өмірі мен шығармашылығымен, оның жақсылық пен жамандық, күш пен батылдық, шынайы және қиялдағы рухани құндылықтар туралы шығармаларымен танысты. Оралхан Бөкеев - сиқырлы сөз шебері. Оның өз туындыларының пішінін, сөз саптауын таңдауға керемет қабілеті бар.

Оқушылар Жадикова Дария, Сәбитбекова Мөлдір «Тілдескен туған дала табиғатпен», «Біртуар» өлеңдерін оқыды.

Іс-шара барысында жазушының өмірі мен шығармашылығына арналған бейнероликтер көрсетілді. Оралхан Бөкей-тарихта тек қазақ әдебиетінде ғана емес, әлемдік әдебиетте де өз орнын бекіткен тұлға.

Қазақ балет өнерінің хас шебері, әлемге танымал биші, педагог, балетмейстер, Қазақстанның халық артисі. Болат Аюхановқа биыл 85-жыл.

Агния Бартоның өлеңдері балаларға көп жылдардан бері тезірек өсуіне көмектесіп келеді. Дәл осы жазушының өлеңдері бізге қоршаған ортадан, қуанышты балалық шақ, қызығушылық, мектепке барғанымыздан бастап, ең оңай нәрселерден қызықты, көңілді кезеңдерді көруге көмек береді. Биылғы жылы «Мен өсемін» өлеңіне 55 жыл.

Жыл сайын елімізде Қазақстан халқының Тілдері күні атап өтіледі. Бұл барлығына ортақ мереке.

21 қыркүйек әлеуметтік қызмет көрсету орталығының тәрбиеленушілеріне ҚР Тілдер күніне арналған "Тілдер патшалығы" зияткерлік ойыны өткізілді.

Іс-шараның мақсаты: Қазақстанда тұратын халықтардың ана тіліне және басқа тілдеріне құрметпен қарауға тәрбиелеу, мемлекеттік тілді білуге деген қызығушылықты ояту және тіл туралы білімдерін кеңейту.

Іс-шарамыз әдеттегідей «Достық құсы» атты шеберлік-сыныбымен аяқталды.

#гидқазақстанға #ГидПоКазахстану

Жұмысшы кәсіптерін құрметтеу дәстүрлерін жаңғырту және еңбектің маңыздылығын ерте жастан түсіну мақсатында қыркүйектің соңғы жексенбісінде Қазақстанда Еңбек күні атап өтіледі,. Осы күнге орай № 11 мектептің 9 "б" сынып оқушылары үшін «Арманың асқақ болсын! диалог-кездесуі өтті. Балалар алдында Қостанай қызмет көрсету колледжінің мамандары: наубайшы Ильясова Аягөз Картаева және кондитер-сахарист Лейберт Светлана Анатольевна сөз сөйледі. Олар мамандыққа қалай келгендері туралы және соншама уақыттан кейін оны жақсы көріп қана қоймай, студенттерге сабақ беріп, сүйікті ісінің құпияларын ашқаны туралы қызыға айтты. Бүгін олар жапондық "Шакупан" нанының рецептінің құпиясын ашты, оның ерекшелігі-ол сүт қосылған қайнатпада дайындалады.

#гидқазақстанға #ГидПоКазахстану

Мұзафар Әлімбаевтың 100 жылдығына арналған өлеңдер галереясы.

#гидқазақстанға #ГидПоКазахстану

Биыл қазақтың көрнекті демократ ақыны Сұлтанмахмұт Торайғыровтың туғанына 160 жыл толып отыр. Атаулы күнге орай кітапханада ақынның алғашқы көлемді шығармаларының бірі «Қамар сұлу» романы бойынша мағыналы оқу өтті. Іс-шараға Қостанай гуманитарлық колледжінің 1 курс студенттері келді. Іс-шара ақынның өмірбаяны туралы бейне-роликтен басталды, «Асқақ арманды ақын» кітап көрмесімен таныстырылды, содан кейін негізгі тақырып - «Қамар сұлу» романына кезек келді. Келген қатысушылармен бірге романды оқыдық. “Қамар сұлу” романының идеясы махаббат тарихы трагедиясынан ғана туындамайды. Жазушы әйелдер тағдырын, адамдық құқығын ескермеген қоғамдығы түрлі әлеуметтік күштердің осы мәселеге қарым-қатынасын да бейнелеп көрсетеді. Іс-шараға қатысушылармен бірге романды оқи отырып туындаған психологиялық ахуалдар негізінде пікір алмастық. Студенттер сол замандағы жас қыздардың тағдырына аяушылық танытты, бірақ сол уақыттағы жағдайды өзгерту мүмкін емес екендігін мойындады. Бүгінгі күні мұндай жағдайды өзгерту қиын емес. Кездесуден балалардың көңілі толып тарқасты.

#гидқазақстанға #ГидПоКазахстану

Биыл жерлес ақын Ғафу Қайырбековтің туғанына 95 жыл толып отыр. Осы айтулы күнге орай кітапханада «Дарабоз ақын» атты жыр шашуы өтті. Іс-шараға қаламыздағы Ғафу Қайырбеков атындағы №9 мектептің 8 сынып оқушылары келді. Іс-шара барысында ақынның кітаптары қойылған кітап көрмесімен таныстырылды, Ғ. Қайырбековтің өмірбаяны мен шығармашылығына тоқталып өтіп, балалар ақынның өлеңдерін оқыды. Бейнеролик арқылы ақынның өз даусымен оқыған өлеңін тыңдады. Соңында караоке арқылы ақынның сөзіне жазылған Ш. Қалдаяқовтың «Ана туралы жыр» әнін шырқады. Іс-шарадан балалар жоғары көңіл-күйде тарқасты.

хронограф Қазақстанның Еңбек Ері, классик жазушы Әкім Таразидың туғанына 90 жыл.

Әкім Тарази 1933 жылы Жамбыл өңірінде дүниге келген. Бала кезінен жырларды оқып өскен қаламгер, әдебиет әлемінің жарық жұлдызы. Көптеген шығармалары театр сахналарында және киноэкрандарынан тамашалауға болады.