Бүгін 19 сәуір Ы.Алтынсарин шаңырағында «Дарабоз» байқауының иегері жас талантты қаламгер Мейіржан Жылқыбаймен онлайн кездесу өтті. Кездесуге Б. Момышұлы атындағы №5 мектеп оқушылары мен Ы. Алтынсарин атындағы дарынды балаларға арналған мектеп-интернатының оқушылары қатысты. Қазақ әдебиетінде өзіндік орны бар классик жазушы Дулат Исабековтың мақтап, аузына ілігіп жүрген жас жазушы Мейіржан Жылқыбаймен өткен кездесу біздер үшін үлкен мереке болды. Жазушы өз шығармалары жайлы, өз өмірі жайлы қызықты да, тартымды әңгімесімен жиналған қатысушыларды танырқатты, қуантты. Шын жүректен балалар әдебиетіне таптырмас нағыз жанашыр жас қаламгер Мейіржан өзінің қарапайымдылығымен, тәрбиелігімен, шыншылдығымен көрермендерін кездесу басынан өзіне жаулап алды. Балалар алған әсерлерін үлкен алғыспен жеткізіп, жазушымен көзбе-көз кездессек деген сұрыныс-ұсыныстарын білдірді. Әдебиет әлеміне жаңа қадам басқан Мейіржан Жылқыбайдың тамаша, үлкен тәрбиелік мәні бар әңгімелері қазіргі балаларға өте пайдалы және патриоттық сезімге толы. Әсіресе қазіргі таңда кішкене балаларға арнап көркем әңгіме жазатын жазушылар саусақ санарлық екенін бәрімізге мәлім. Жан айғайымызды естіп, қалам түртіп, балаларға жазған әңгімелері үшін Мейіржанға алда тек алған бағытыңыз еш өшпесін,шабыты мен қызығы мол тамаша шығармаларыңыз көбейе берсін дегіміз келеді. Болашақта осындай жазушыларымызды әрдайым қолдау көрсетсек нұр үстіне нұр болар еді.

ФОТО