Саусақпен буланған шыныға немесе құмға таяқпен сызып жүріп, кенеттен суреттің пайда болу құпиясын ашатын баланың сезімін елестетіп көріңізші! Бұл көптеген жандарды әсерлендіретіні соншалық, қарындаштар мен бояулар олардың өмір бойы болмаса да, бірнеше жыл достарына айналады.
Әр бала ерекше әрі дарынды – бұл орындалмаған мүмкіндіктердің толықтай әлемі. Мұғалімнің міндеті осы дарынды ашу үшін баланың шығармашылығын жүзеге асыратын жағдай жасау болып табылады. Осыған жарқын мысал ретінде жас ұстаз, Қостанай педагогикалық институтының түлегі Старжинская Юстинаның жетекшілігіндегі Қарасу ауданы Ключевая орта мектебіндегі сурет студиясын атауға болады.
2 жылдан бері балалар аса жоғары қызығушылықпен студияға қатысып келеді. Осы уақыт аралығында мұғалімге сурет салу және қолданбалы өнердің көптеген қырларына қызығушылық танытатын дарынды әрі шығармашыл балаларды анықтады. Башарина Николь, Гаврилюк Екатерина, Умарова Дария, Умарова Жансая, Холкина Василиса өз дарындарын майлы бояумен сурет салуда көрсетті. Жармагамбетов Данияр графикаға қызығушылық танытады және оған қарындашпен сурет салған ұнайды. Симбаева Эвелина мен Жаркенова Ясмин гуашьпен және акварельмен сурет салады. Воскубенко Кристина мен Ниязова Эльданаға акварель бояуымен сурет салған ұнайды. Соколова Ольга, Омарова Алма, Ковалишина Диана, Дуйсен Аиша тек қана жақсы сурет салып қана қоймайды, оларға табиғи және жасанды материалдармен жұмыс істеген ұнайды. Барлық балалар көркем өнердің (сурет салу өнері) қыр-сырын табысты үйренуде.
Балалардың жұмыстарын біздің кітапханамыздағы өнер жөніндегі әдебиеттер бөлімінен көруге болады.
