Балалар, табиғат дегеніміз – аң, құс, өсімдік, тау, тас, өзен, көл, ауа, жер. Яғни біздің тіршілік ортамыз. Олардың барлығы табиғаттың бізге берген сыйы. Табиғаттың тарту еткен сыйын аялап, оған қамқорлық жасаумыз керек. Соның ішінде құстың табиғат үшін де, адам үшін де пайдасы өте көп. Кейбір құстар ағаш діңіндегі құрттарды тұмсығымен шоқып, тазаласа, кейбірі бидай алқабын құрт- құмырсқадан аршиды. Құстарсыз табиғаттың сәні де жоқ. Бірақ құстар да табиғаттағы тазалықты, тыныштықты қалайды. Олар да өз балапандарының қанат қағып, аспанға шырқай ұшқанын көргісі келеді. Ия, балалар сол себептен олардың ұясын бұзып, құстың обалына қалуға болмайды. Серікбай атамыздың балаларға базарлық айдарындағы осы жолғы өлеңі жалпы қандай жағдай болмасын өскен ұя бұзуға болмайтыны жайында айтылады. Сондықтан уәдеде тұрып, құстарды қорғай біліңдер.

Видео