2020 жылдың 18 қарашасы Ыбырай Алтынсарин атындағы балалар мен жасөспірімдер кітапханасында осыдан бірнеше жыл бұрын кітапханамыздың қазақстандық жас авторларды, жазушыларды қолдап, оқырмандарымен жақындастыру мақсатында арнайы қолға алған үлкен жобасының аясында «Заманауи ертекші» деген тақырыпта жазушымен тікелей эфирде онлайн кездесу болып өтті. Кездесуіміздің бас қонағы «Дарабоз» әдеби байқауының иегері, қазіргі кезде балалар әдебиетін дамытуда көптің қолынан келе бермейтін проза жанрын қолға алып жүрген, Дулат Исабековтың «нағыз балалар жазушысы» деп мойындаған жас талантты қаламгері Мейіржан Жылқыбай болды. Онлайн кездесу барысында қаламгер соңғы шығармалық жаңалықтарымен бөлісіп, Корей елінде және елімізде шыққан екі жаңа кітабы жайында айтып, сондай-ақ қазіргі таңдағы балалар әдебиеті тақырыбында сұрақтарға жауап берді. Алыстағыны жақындастыратын интернеттің көмегімен өткен онлайн кездесу мазмұнды, тартымды өтті.

https://www.instagram.com/tv/CHuknxuAwwV/